Birat Post मंगलबार, मंसिर १३, २०७९ मा प्रकाशित
विराटनगर,१३ मंसिर /
नेपाली कांग्रेसका नेता एवं नवनिर्वाचित प्रतिनिधिसभा सदस्य डा शेखर कोइरालाले धर्म संस्कृतिको रक्षा गर्ने कुरामा आफूले कसैसँग सम्झौता नगर्ने बताएका छन् । बिराटनगरस्थित लक्ष्मीनारायण मन्दिरमा आयोजित कार्यक्रममा बोल्दै कोइरालाले राज्यले गुरुकुल शिक्षाको उत्थान र विकासका लागि आवश्यक नीति बनाउनुपर्नेमा जोड दिए ।
कोइरालाले भाषा, धर्म, कला र संस्कृति सभ्यताको प्रतीक र राष्ट्रका धरोहर भएको बताए । “राष्ट्रका यी धरोहरको संरक्षण तथा सम्बद्र्धन गर्नु राज्यको दायित्व हो,” कोइरालाले भने, “धर्म र संस्कृतिको संरक्षणमा म संसदमा खरो रुपमा उत्रिनेछु ।” उनले सुशासन कायम नभएसम्म मुलुकको विकास नहुने बताए ।
यस्तै कार्यक्रममा राष्ट्रियसभा सदस्य रमेशजंग रायमाझीले धार्मिक सनातन परम्परा भन्दा टाढा नरहेको बताए । नवनिर्वाचित प्रदेशसभा सदस्य तथा कांग्रेस केन्द्रीय सदस्य अमृत अर्यालले धार्मिक क्षेत्रको संरक्षणमा लागिपर्ने बताए । यस्तै कांग्रेस केन्द्रीय सदस्य तथा प्रदेश सभा सदस्य भीम पराजुलीले सनातन धर्म संस्कृतिकै बलमा आफुले सफलता हासिल गरिरहेको बताए ।
उनले आफु विराटनगर महानगरको मेयर हुदा धर्म,संस्कृति र सभ्यताको संरक्षण र विकासका क्षेत्रमा काम गरेको स्मरण गरे । प्रदेश सभा सदस्य केदार कार्कीले धार्मिक क्षेत्रको विकास र प्रवर्धनमा काध दिएर उभिने बताए । उनले सनातन धार्मिक क्षेत्रको संरक्षणका लागि पुस्तकालय निर्माण गरिने बताए । कार्यक्रममा लक्ष्मीनारायण मन्दिरमा रामानुज स्वामी ,अध्यक्ष कुमार खतिवडा ,पं भवानी शंकर निरौला ,प्राध्यापक युवराज धिताल लगायतले सनातन धर्मरक्षाका लागि काम गर्न सुझाएका थिए ।
वर्तमान सरकारले समीक्षा गर्ने कामै गरेको छैन : नारायणकाजी श्रेष्ठ
विराटनगर महानगरद्वारा निःशुल्क अटिज्म सेवा केन्द्र सञ्चालन
विराटनगर महानगरद्वारा जडान गरिएको ट्राफिक लाइटको परीक्षण सुरु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
