Birat Post बुधबार, आश्विन २६, २०७९ मा प्रकाशित
विराटनगर,२६ असोज ।
प्रदेश १ का स्वास्थ्यमन्त्री जयराम यादव बर्खास्तीमा पर्ने सम्भावना बढेको छ । नेकपा एमालेसँग गठबन्धन गरेर चुनावी अभियानमा होमिएको जनता समाजवादी पार्टीका मन्त्रीलाई बर्खास्त गर्ने सत्ता गठबन्धनको केन्द्रीय निर्णय सगै प्रदेश सरकारका मन्त्रीहरु हटाइन लागेको हो ।
प्रधानमन्त्री शेरबहादुर देउवाले संघीय सरकारमा रहेका जसपाका चार मन्त्रीलाई बर्खास्त गर्ने लगभग निश्चित भएको छ । प्रधानमन्त्रीले संघीय मन्त्रीलाई बर्खास्त गरेसंगै प्रदेश १ सरकारका मन्त्री यादवलाई पनि बर्खास्त गरिने छ । प्रदेश १ मुख्यमन्त्री स्रोत भन्छ, केन्द्रीय निर्णय पर्खेर बसेका छौ ।
यादव २०७८ कार्तिक १६ गते बनेको राजेन्द्रकुमार राई नेतृत्वको सरकारमा सोही दिन सामाजिक विकास मन्त्री नियुक्त भएका थिए । पछि मन्त्रिपरिषद् पुनःगठन भएसँगै उनी पुनः २०७८ माघ २३ गते स्वास्थ्यमन्त्री बनेका थिए । आउँदो मंसिर ४ गतेको निर्वाचनका लागि क्षेत्र न.५ (ख) बाट नेकपा एमालेको समर्थनमा यादव उम्मेद्वार बनेका छन् ।
वर्तमान सरकारले समीक्षा गर्ने कामै गरेको छैन : नारायणकाजी श्रेष्ठ
विराटनगर महानगरद्वारा निःशुल्क अटिज्म सेवा केन्द्र सञ्चालन
विराटनगर महानगरद्वारा जडान गरिएको ट्राफिक लाइटको परीक्षण सुरु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
