Birat Post शुक्रबार, आषाढ १७, २०७९ मा प्रकाशित
काठमाडौं ,१७ असार ।
जनता समाजवादी पार्टी (जसपा) ले सरकारमा सहभागी आफ्ना मन्त्रीहरूलाई फिर्ता बोलाउने भएको छ । अध्यक्ष उपेन्द्र यादवले प्रधानमन्त्री शेरबहादुर देउवालाई बिहीबार भेटेर सरकारमा भएका मन्त्रीहरुलाई फिर्ता पठाउन भनेको जसपा उच्च स्रोतले बताएको छ ।
विभाजनको सङ्घारमा रहेको जसपाले विभाजनअघि सहमतिमै मन्त्री हेरफेर गर्न चाहेको छ । जसपाबाट सङ्घीय मामिला तथा सामान्य प्रशासन मन्त्री राजेन्द्रप्रसाद श्रेष्ठ, भौतिक पूर्वाधार तथा यातायात मन्त्री रेणुकुमारी यादव, वन मन्त्री रामसहायप्रसाद यादव र कृषि तथा पशुपक्षी विकास मन्त्री महिन्द्र राय यादव मन्त्री छन् ।
अध्यक्ष उपेन्द्र यादवले मन्त्री पठाउने र फिर्ता बोलाउने अख्तियारी पाएसँगै मन्त्री हेरफेर गर्न लागेका हुन् । सम्भावित नामहरुमा यादवले राजेन्द्र श्रेष्ठलाई हटाएर सामान्य प्रशासन मन्त्रीमा सुशीला श्रेष्ठको नाम सिफारिस गरेको बुझिएको छ । त्यस्तै डा सूर्य नारायण यादवलाई वन तथा वातावरण, मोहम्मद इस्तियाक राईलाई भौतिक निर्माण तथा यातायात तथा डा सुरेन्द्र यादवलाई कृषि तथा पशुपंक्षी मन्त्रालयमा सिफारिस गरेको बुझिएको छ ।
यद्यपि अहिलेसम्म भएका मन्त्रीहरुले राजीनामा नदिएसम्म नयाँ मन्त्री बनाउन नमिल्ने भन्दै अझै कुरा बाझिएको जसपा उच्च स्रोतले जनाएको छ । सम्भावित मन्त्रीको सूचीमा परेका एक जनाको भनाइ अनुसार अहिले नै सबै फाइनल भैसकेको छैन । डा बाबुराम भट्टराई पक्ष भने जसपाबाट बाहिरिने लगभग निश्चित भएको छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
