featured photo: Birat Post

विराटनगर,२३ जेठ ।
शिक्षा तथा बालमनोविज्ञानसँग केन्द्रित गरी विराटनगरमा रहेको आरोहण गुरुकुलले “द स्कुल व्वाइ” नामक नाटक प्रहसनमा ल्याएको छ । जेठ २० गते देखि प्रहसनमा आएको नाटक एक हप्तासम्म देखाइने बताइएको छ । शिक्षा तथा बालमनोविज्ञानसँग केन्द्रित भएकाले स-साना बच्चाहरुले देख्न , सुन्न, हेर्न र के सही, के गलत भन्नेकुराहरु अनुभव गर्न नाटक फलदायी हुने विश्वास गरिएको छ ।

हरेक बच्चाहरु बगैंचामा फक्रिएका, फक्रिन लागेका फूलहरु जस्तै हुन्। उनिहरु व्यक्ति पिच्छे फरक फरक स्वभावका हुन्छन र फरक व्यवहारको अपेक्षा राख्दछन्। हामी सबैले उनीहरुलाई स्वतस्फूर्त फक्रने वातावरण सिर्जना गर्नुपर्दछ भन्ने कुरा नाटकमा देखाउन खोजिएको छ । एउटा विधार्थीको मानसिक अवस्था र व्यवहारमा केन्द्रित यस नाटकमा उसले आफ्नो रचनात्मक प्रगतिमा परिवार, विद्यालय र शिक्षकहरुले समेत ध्यान दिन आवश्यक रहेको कुरालाई नाटकमा दर्शाउन खोजिएको छ । सकभर अभिभावक तथा अन्य सरोकारवालाहरु समेतलाई नाटक हेरिदिन गुरुकुलले आग्रह गरेको छ ।