Birat Post बुधबार, जेठ ०४, २०७९ मा प्रकाशित
विराटनगर ,४ जेठ ।
गठबन्धनका उम्मेदवारलाई पराजित गर्दै मोरङको लेटाङ नगरपालिकाको दुवै पदमा एमालेका उम्मेदवार विजयी भएका छन्।
मेयरमा भुपेन्द्रकुमार लावती र उपमेयरमा कृष्णकुमारी निरौला निर्वाचित भएका हुन्। बुधबार सार्वजनिक भएको अन्तिम मतपरिणामअनुसार लावतीले १० हजार २२७ मत ल्याएर गठबन्धनबाट उम्मेदवार बनेका कांग्रेसका ज्ञानेन्द्र ढकाललाई पराजित गरे। ढकालले ८ हजार १०५ मत मात्रै ल्याए। लावती र ढकालको मतान्तर २ हजार १२२ रहेको छ। उपमेयरमा निरौलाले ९ हजार ४६० मत ल्याइन्। उनले गठबन्धनबाट उपमेयरको उम्मेदवार रहेका नेकपा (माओवादी केन्द्र) का कृष्णप्रसाद लम्साललाई पराजित गरेकी हुन्। लम्सालले ४ हजार ९०५ मतमात्रै ल्याए। २०७४ सालको निर्वाचनमा एमाले उम्मेदवार लावतीलाई पराजित गर्दै कांग्रेसका शंकर राई लेटाङको मेयरमा निर्वाचित भएका थिए। निरौलाको भने यो दोस्रो कार्यकाल हो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
