Birat Post शनिबार, बैशाख ३१, २०७९ मा प्रकाशित
विराटनगर,३१ बैशाख।
विराटनगर महानगरपालिकाको मेयर पदमा नेपाली काँग्रेसका नागेश कोइराला र उपमेयरमा नेकपा एमालेकी शिल्पा निराला कार्कीले अग्रता लिएका छन् ।
विराटनगर महानगरपालिकामा १८८२ मत गणना हुँदा मेयर पदमा नेपाली कांग्रेसका नागेश कोइरालाले ६१२ मत प्राप्त गरेका छन् ।
नेकपा एमालेका सागर थापाको ४५३ मत आएको छ ।उपमेयरयस्तै, उपमेयरमा भने नेकपा एमालेकी शिल्पा निराला कार्कीले ४५० मत ल्याउँदा जसपाका अमरेन्द्र यादवले २४५ मत ल्याए । यता माओवादीका कार्यकर्ताको साथमा विद्रोह गरि उपमेयमा उम्मेदवार दिएकी नमिता न्यौपाने ६८ मत ल्याइन । अहिले विराटनगरका १, २, १६, १७, १८ र १९ नम्बरको मतगणना भइरहेको छ ।
वडाहरुमा वडाध्यक्षको मत हेर्दा कांग्रेसले तीनवटा वडामा अग्रता लिएको छ । राप्रपाले एक र जसपाले एक एक वडामा अग्रता कायम गरेका छन् । वडा नम्बर २ मा राप्रपाका वडाध्यक्षका उमेदवारले सबैभन्दा अगाडि छन् । वडा नम्बर १७ मा जसपाका उमेदवारले अग्रता कायम गरेका छन् ।
वडा नम्बर १ को अध्यक्षमा एमालेका उमेदवारले १०५ मत प्राप्त गर्दा नेपाली कांग्रेसका उमेदवारले १३६ मत प्राप्त गरेका छन् ।
वडा २ मा राप्रपाका उमेदवारले ११५ मत प्राप्त गरेका छन् । एमालेले १०४ र कांग्रेसको मत ६४ छ । वडा नम्बर १९ को अध्यक्षमा कांग्रेसका उमेदवारले १२८ र एमालेले १२३ मत प्राप्त गरेका छन् ।
वडा नम्बर १८ मा कांग्रेसले ५४, एमालेले ३६ र जसपाले १९ मत प्राप्त गरेका छन् । वडा नम्बर १७ मा जसपाले १९८, कांग्रेसले १०५ र एमालेले १०९ मत प्राप्त गरेका छन् । वडा नम्बर १६ मा कांग्रेसका वडाध्यक्ष उमेदवारले ५६, एमालेले ३८ र जसपाले ४० मत प्राप्त गरेका छन् । १लाख ३३ हजार १४२ कुल मतदाता रहेको विराटनगरमा ८९ हजार ७८९ मत खसेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
