Birat Post बिहिबार, बैशाख २९, २०७९ मा प्रकाशित
काठमाडौं,२९ बैशाख ।
परराष्ट्र मन्त्रालयले मे १६ अर्थात् जेठ २ गते बुद्ध जयन्तीको शुभ अवसरमा भारतीय प्रधानमन्त्री नरेन्द्र मोदीले लुम्बिनी भ्रमण गर्ने जानकारी दिएको छ । सो अवसरमा प्रधानमन्त्री शेरबहादुर देउवासँगै भारतका प्रधानमन्त्री मोदीले मायादेवी मन्दिरमा पूजाअर्चना गर्ने, लुम्बिनीको बिहार क्षेत्रमा बौद्ध संस्कृति तथा सम्पदा केन्द्रको शिलान्यास गर्ने र विशेष समारोहलाई सम्बोधन गर्ने कार्यक्रम रहेको परराष्ट्रले बताएको छ । परराष्ट्र मन्त्रालयका अनुसार लुम्बिनी अन्तर्राष्ट्रिय बौद्ध ध्यान केन्द्र र सभा हलमा बुद्ध जयन्ती मनाउने तयारी गरिएको छ । मोदीको भ्रमणका क्रममा परराष्ट्रमन्त्री डा नारायण खड्काले पनि मोदीसँग भेटवार्ता गर्ने भएका छन् ।
लुम्बिनीमा रहँदा दुवै प्रधानमन्त्रीले नेपाल–भारत सहयोग र आपसी हितका विषयमा द्विपक्षीय वार्ता गर्ने समेत परराष्ट्र मन्त्रालयले बिहीबार जानकारी दिएको छ । सो क्रममा नेपालका प्रधानमन्त्रीले भारतका प्रधानमन्त्री र भ्रमणमा रहेका प्रतिनिधिमण्डलको सम्मानमा दिवाभोजको आयोजना समेत गर्ने भएका छन् । भारतका प्रधानमन्त्रीको आगामी भ्रमणले दुई देशबीचको सदियौंदेखिको सामाजिक–सांस्कृतिक बन्धनलाई थप प्रगाढ बनाउन सहयोग पुग्ने समेत परराष्ट्र मन्त्रालयले बताएको छ । भारतीय प्रधानमन्त्रीका रूपमा नरेन्द्र मोदीको यो पाँचौं नेपाल भ्रमण हुनेछ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
