featured photo: Birat Post

विराटनगर १७ बैशाख ।

बिराटनगर महानगरपालिका ६ बाट चोरीमा संलग्न तीन जनालाई प्रहरीले पक्राउ गरेको छ । पक्राउ पर्नेमा बिराटनगर -८ का २२ बर्षीय मोहमद जुमन, बिराटनगर- ११ का ३४ बर्षीय मोहमद अन्सारुल र बिराटनगर -१२ का २२ बर्षीय पवन रविदास रहेका छन । शुक्रबार बिहान वडा प्रहरी कार्यालय क बिराटनगरबाट खटिएको प्रहरी टोलीले बिराटनगर ६ स्थित रामपुर चौकमा सिटी सफारीमा प्रयोग हुने ५ थान ब्याट्री चोरी गरी को २ ह ३६१० नम्बरको अटो टेम्पोमा लादै गरेको अवस्थामा तीनै जनालाई समान सहित पक्राउ गरेको हो । विराटनगर महानगरको १ ह ००९३ नम्वर र को १ ह ७८१८ नम्बरको दुई वटा सिटी सफारी समेत उनिहरुले चोरी गरेको आरोपमा सिटी सफारी समेत बरामद गरी थप अनुसन्धान कार्य भई रहेको जिल्ला प्रहरी कार्यालय मोरङले जनाएको छ ।