featured photo: Birat Post

विराटनगर, १८ भदौ ।
सन् २०२२ मा हुने विश्वकप छनोटअन्तर्गत ब्राजिलले आफ्नो विजयी यात्रा कायमै राखेको छ । शुक्रबार बिहान दक्षिण अमेरिकी छनोटतर्फ चिलीमाथि १–० गोलको जित निकालेको ब्राजिलले लगातार सातौँ जित दर्ता गरेको हो ।
चिलीको मैदानमा ब्राजिललाई जिताउन इभर्टन रिबेइरोले निर्णायक गोल गरे । पहिलो हाफ गोलरहित बराबरीमा सकिएको उक्त खेलको ६४औँ मिनेटमा रिबेइरोले गोल गर्दै ब्राजिललाई जिताए ।
जितसँगै शीर्ष स्थानको ब्राजिलले सात खेलमा २१ अङ्क बटुलेको छ । चिली भने ६ अङ्कसहित सातौँ स्थानमा छ ।