Birat Post मंगलबार, भाद्र १५, २०७८ मा प्रकाशित
विराटनगर,१५ भदौ ।
प्रत्येक वर्ष श्रीकृष्ण जन्माष्टमीको भोलिपल्ट विराटनगरमा निकालिने भगवान श्री राधाकृष्णको भव्य रथयात्रा यो वर्ष भने खटयात्राको रुपमा मात्रै सिमित भएको छ ।
कोरोनाका कारण श्रीराधाकृष्णको प्रतिमा खटमा विराजमान गराई गाडीमा राखेर नगर परिक्रमा गरिएको छ । ९०औं संस्करणको राधाकृष्ण रथयात्रा विराटनगरमा आज खटयात्राको रुपमा नगरपरिक्रमा गराइएको छ । विराटनगर महानगरका मेयर भीम पराजुली, श्रीराधाकृष्ण रथयात्रा समारोह समितिका अध्यक्ष बाबुराजा ओझा,पंडित भवानी शंकर निरौलाले शुभसाइतमा पुजाआजा गरे संगै खटयात्राको शुभारम्भ गरिएको थियो ।
यस वर्षको खटयात्रा राधाकृष्ण मन्दिर पानीट्याङ्कीबाट सुरु भई गोल्छा, जलजला, ट्राफिक, रोडशेष, महेन्द्र चोक, भृकुटी चोक, बरगाछी, कञ्चनबारी, राजवंशी र पुष्पलाल चोक,पोखरिया हुदै पुनः मन्दिरमा लगि विशर्जन गरिएको छ ।
वि. सं. १९८८ बाट खट (युगल मूर्तिलाई खाटमा राखेर)को रुपमा शुरु भएको यात्रा २०२५ देखि रथयात्राको रुपमा परिणत भएको थियो । सहज अवस्थाको जस्तो मानिसहरुको भिडभाड यसपटक भएन । बजार क्षेत्रमा केही भक्तजनहरुले परैबाट दर्शन गरेका थिए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
