Birat Post बिहिबार, भाद्र १०, २०७८ मा प्रकाशित
विराटनगर,१० भदौ ।
श्रवण दृष्टिविहिनताका विषयमा स्थानिय तहका जनप्रतिनिधि तथा कर्मचारीलाई तालिम प्रदान गरिएको छ । बुधबार विराटनगरमा एक कार्यक्रमको आयोजना गरी श्रवण दृष्टिबिहिनताका विषयमा प्रयोगात्मक अभ्यासद्धारा जानकारी प्रदान गरिएको थियो ।
सेन्स इन्ट्रानेश्नलको सहयोग, राष्ट्रिय बहिरा महासंघको सहकार्य र कोशी बहिरा संघको श्रवणदृष्टि बिहिनता सम्बन्धि तीन बर्षे परियोजना अन्तर्गत हेल्दी लाइफ फर द पिपुल विथ डिफ ब्लाइन्डनेश इन् नेपालले तालिम प्रदान गरेको हो ।
लामो समय देखि श्रवण दृष्टिबिहिनताका सवालमा जनचेतनामुलक कार्यक्रम गर्दै आएको संस्थाका तालिमहरु प्रभावकारी भएको बताइएको छ । जनप्रतिनिधिहरुले श्रवण दृष्टिबिहिनताका विषयमा ज्ञान हासिल गरे संगै नीति नियम र अधिकारका क्षेत्रमा उल्लेख्य प्रगति भएको सहभागी संस्थाका पदाधिकारीहरुको भनाइ छ । विराटनगर महानगरपालिका,सुन्दरहरैचा नगरपालिका,रंगेली नगरपालिका,बेलबारी नगरपालिका,सुनबर्सी नगरपालिका ,कटहरी गाउँपालिका,बुढिगंगा गाउँपालिका,ग्रामथान गाउँपालिकाका जनप्रतिनिधि तथा कर्मचारीले तालिममा सहभागिता जनाएका थिए ।
कार्यक्रममा सुन्दर हरैचा नगरपालिका उपप्रमुख धनमाया तामाङ, सुनबर्सी नगरपालिका उपप्रमुख मन्जु कुमारी राई ,कार्यक्रम कोडिनेटर प्रशान्त दुलाल,दोभाषे सन्तोषी घिमिरे , आकाश घिमिरे, डिवि एजुकेटर गोमा कार्की, कोशी बहिरा संघ अध्यक्ष सुनिता तिवारी,महासचिव रन्जन निरौला,कोषाध्यक्ष जीवन दाहाल लगायतले आ आफ्ना धारणा व्यक्त गरेका थिए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
