Birat Post आइतबार, जेठ ०९, २०७८ मा प्रकाशित
विराटनगर, ९ जेष्ठ ।
नेपाली कांग्रेस विराटनगर महानगर समितिले कोशी अस्पतालमा रहेका बिरामी र बिरामीका कुरुवाहरुलाई खाना ख्वाउने अभियान शुरु गरेको छ । कोरोना सक्रमणको जोखिम बढेसंगै बन्द भएका होटल र केही समय यता लागेको निषेधाज्ञाका बीच अस्पतालमा आउने बिरामी र बिरामीका कुरुवाहरुले समस्या भोग्दै आएका थिए ।
सामाजिक क्षेत्रमा समेत सक्रिय नेपाली कांग्रेस विराटनगर महानगर समितिले आइतबारबाट खाना खुवाउने अभियानको शुरुवात गरेको हो । निषेधाज्ञाको असहज समयमा उपचारमा रहेका र उनिहरुलाई रुग्न बसेकाहरुलाई खाना ख्वाइएको कांग्रेस नगरका कार्यबाहक सभापति अरुण न्यौपानेले बताए । हस्पिटलमा झण्डै १८० जना मानिसले भोजन गरेकाे न्याैपानेले जानकारी दिए । यसभन्दा अगाडीको कोरोना भाइरस संक्रमणका बेला नोबेल मेडिकल कलेजमा कांग्रेस नगरले महिनौ दिनसम्म खाना ख्वाएर सेवा गरेको थियो ।
खाना खुवाउने कार्यक्रममा कांग्रेस युवा नेता तथा विराटनगर महानगरका मेयर भीम पराजुलीले साथ दिएका छन् । उनले यो अभियानले निरन्तरता पाउने बताए । अस्पतालमा बिरामीको चाप र माग भए सम्म खाना खुवाइने बताए । अभियानमा कांग्रेस विराटनगर वडा नं. ५ का सभापति विमलराज भण्डारी, नगरका सचिव प्रकाश दाहाल, नगर सदस्य मुसरफ खान, निर्मल सुवेदी , विद्यार्थी युवा नेता त्रीभुषण गिरी,राजु तामाङ ,दिपेन्द्र रौनियार लगायतको सहभागिता रहेको थियो ।
विराट एक्स्पोमा व्यवसायीक सहकार्यकालागि विराट बजार विटुवि पेभिलियनको व्यवस्था
भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड
स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
