Birat Post सोमबार, जेठ ०३, २०७८ मा प्रकाशित
विराटनगर, ३ जेष्ठ ।
विराटनगर १ स्थित भट्टा चोकमा रहेको आर.आर.एनको सभाहलमा विराटनगर महानगरले बनाएको आइसोलेसन शुरु गरिएको छ । सोमबार नेपाली कांग्रेसका प्रभावशाली नेता डा.शेखर कोइरालाको उपस्थितीमा आयुसुलेशन सुचारु गरिएको हो । ५१ बेडको आइसोलेशन वार्डमा चिकित्सकिय सेवा, अक्सिजन लगायत कोरोना संक्रमितका लागि प्राथमिक सेवा प्रदान गरिने उदेश्य राखिएको छ ।
आइसोलेशनको अनुगमन गर्दै कोइरालाले स्थानीय तहले कोरोना संक्रमण नियन्त्रणमा गरिरहेका कार्य मध्ये विराटनगर महानगरले गरेको काम उच्च प्रशंसनिय रहेको बताए । देशभरका स्थानीय तहहरुले काम गर्न खोजिरहेका छन् कोइरालाले भने “ संघीय सरकार यसको बाधक छ ।” स्थानीय तहले आफ्ना नागरिकको स्वास्थ्य संवेदनशिलतामा ध्यान दिन र संघीय सरकारको भर नपर्न कोइरालाले सुझाए ।
कोरोना संक्रमण नियन्त्रणमा संघीय सरकार उदाशिन रहेको भन्दै सरकारको कडा आलोचना गर्दै आएका कोइरालाले स्थानीय तहले गरिरहेका कामको प्रशंसा गर्दै आएका छन् । उनले विभिन्न स्थानीय तहले बनाएका आइसोलेशनको अनुगमन गर्नका साथै सहयोग र सुझाव दिदै आएका छन् ।
अस्पतालमा बेड नपाउदाको अवस्था सम्म संक्रमितको सेवामा आइसोलेशनमा रहेका स्वास्थ्यकर्मीहरुले सहयोग गर्ने छन् । जुन मानिसको ज्यान जानसक्ने खतरालाई कम गर्ने बिश्वास लिएको विराटनगर महानगरका मेयर भीम पराजुलीले बताए । यो कार्यमा आर एन एनले सभाहल उपलब्ध गराएर सेवा प्रवाहमा योगदान गरेको छ भने एसोसेयसन अफ प्राइवेट हेल्थ इन्सिच्युट नेपाल (अफिन) र मारवाडी युवामञ्च विराटनगरले यसमा बिशेष सहयोग गर्ने भएका छन् । सो अबसरमा वडा नं.१ का वडाध्यक्ष उद्धव अर्याल ,सामुदायिक शाखा प्रमुख पुनम दाहाल ,विराटनगर महानगरका स्वास्थ्य निरिक्षक हैदर अली, डा.रुपेश मण्डल,नसिंङ अधिकृत रश्मि निरौला लगायतको सहभागिता रहेको थियो ।
वर्तमान सरकारले समीक्षा गर्ने कामै गरेको छैन : नारायणकाजी श्रेष्ठ
विराटनगर महानगरद्वारा निःशुल्क अटिज्म सेवा केन्द्र सञ्चालन
विराटनगर महानगरद्वारा जडान गरिएको ट्राफिक लाइटको परीक्षण सुरु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
