काठमान्डौं २२ फाल्गुन ।
विश्व स्वास्थ्य संगठनले कोरोना भाइरसको संक्रमण दरलाई हेरेर अहिले नै सावधानी अपनाउन छोड्ने बेला नभएको बताएको छ । डब्लुएचओका प्रमुख डा. टेडरोज आध्यनोम गेब्रेयेसोसले कोरोना भाइरस महामारीको तेस्रो र चौथो लहर पनि आउन सक्ने र यसबाट थप क्षती हुन सक्ने तर्फ इंगित गरेका छन् । उनले सावधानी अपनाउन नछोड्न समेत आग्रह गरेका छन् । कोभिड–१९ का कारण हुने मृत्युमा कमी आउनुलाई महामारी नै सकिएको रुपमा बुझ्न नहुने डा.टेडरोजले बताएका छन् । कोरोना भाइरसको महामारीका कारण विश्वभर हालसम्म २५ लाख ८० हजार एक सय भन्दा धेरै मानिसको ज्यान गएको छ ।