featured photo: Birat Post

विराटनगर,१६ फाल्गुन ।
जैन धर्मका गुरु नेपाल केसरी डा मणिभद्र मुनिजी महाराज विराटनगर आइपुगेका छन् । भारतको गुवाटीबाट पैदल यात्रा गर्दै महाराज आइतबार विराटनगर आइपुगेका हुन् । गुवाटीबाट मणिभद्र मुनिजी महाराजको साथमा विराग मुनिजी महाराज पनि आएका छन् । गुरूले यो पद यात्रालाई ‘सर्वोदय शान्ति पद यात्रा’को नाम दिइएको जनाएका छन् । शान्तिको कामना गर्दै पैदल यात्रा गरेर विराटनगरसम्म आइपुगेको दुबै गुरु विराटनगर स्थित जैन भवनमा विश्राम केहि दिन विश्राम गर्नेछन् ।

गुरू नेपाल केसरी डा मणिभद्र मुनिजी महाराजले असन्तोष नै दुःख र अशान्तिको मुख्य कारण भएको बताए । साधुहरूको पद यात्राले समाजमा शान्ति फैलिने उनको धारणा छ । गुरूहरू भारतको गुवाहाटीबाट शिलङ,वगाइगाउ,कोकराझार, सिलगुडी हुँदै नेपाल प्रवेश गरेका हुन् । नेपाल प्रवेश गरेपछि पूर्वपश्चिम राजमार्ग हुँदै विराटनगर आइपुगेको दुबै गुरू केहिदिन विराटनगरमा विश्राम लिनेछन् । त्यसपछि राजविराज, जनकपुर,काठमाण्डौं हुँदै पोखरासम्मको पद यात्रा गर्ने योजना रहेको गुरू मणिभद्र मुनिजी महाराजले बताए ।