Birat Post आइतबार, माघ २५, २०७७ मा प्रकाशित
विराटनगर,२५ माघ ।
विराटनगर महानगरपालिकाले विराटनगरका विभिन्न स्थानमा आकाशेपुल बनाउने भएको छ । दुई करोड ३९ लाख लागतमा एकैसाथ तीन वटा आकाशे पुल निर्माण गर्ने भएको हो । विराटनगर महानगरपालिकामा दिनप्रतिदिन सवारी साधनहरुको चाप बढ्न थालेपछि आकाशेपुल निर्माणको योजना अगाडी ल्याएको हो ।
धरान–विराटनगर सडक खण्डको कञ्चनबारी चोक , बरगाछी चोक र भट्टी मोड (घाँस चोक) गरी तीन ठाँउमा आकाशे पुल निर्माण गर्ने योजना महानगरपालिकाले अगाडि सारेको विराटनगर महानगरका मेयर भीम पराजुलीले जानकारी दिए । विराटगरको सौन्दर्य बढ्ने र सवारी दुर्घटना न्युनीकरण गर्ने र मानिसलाई सडक वारपार गर्न सुविधा पुग्ने उद्देश्यका साथ काम थालिएको मेयर पराजुलीले जानकारी दिए ।
विराटनगरको कञ्चनबारी चोकमा रु ७८ लाख, बरगाछी चोकमा रु ६८ लाख र भट्टी चोक रु ९३ लाख लागतमा पुल निर्माण गर्न लागेको विराटनगर महानगर नक्शा शाखाका प्रमुख इन्जिनियर अर्जुन थापाले बताए । सिक्स लेनको मापदण्ड अनुसार बन्ने सो पुल फलामको हुने छ । जुन आबश्यक नपरे पुनः अर्को ठाउँमा हाल्न सकिने खालको हुनेछ । तीन वटै पुल एकपटक निर्माण गर्ने गरी योजना अगाडि बढाएको र केही दिनमै यसको शिलान्यास भई चालु आर्थिक वर्षमै योजना सम्पन्न हुने प्रमुख थापाको भनाई छ ।
राप्रपाले पुष १३ गते इटहरीमा विरोधसभा गर्ने
काँग्रेसका युवा नेता प्रविन जोशी काँग्रेस क्षेत्र नं ६ (ख) को कोषाध्यक्षमा मनोनित
तेक्वान्दोको ग्रेडिङ्ग दमकमा सुरु, प्रदेश भरीको १३१ खेलाडीको सहभागि
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
