featured photo: Birat Post

विराटनगर २४ माघ ।
जल तथा मौसम पूर्वानुमान महाशाखाले आज देशका विभिन्न स्थानमा वर्षा हुने सम्भावना रहेको जनाएको छ। प्रदेश १ , प्रदेश २, बागमती प्रदेश र गण्डकी प्रदेशका केही स्थानहरुमा हल्का वर्षाको सम्भावना रहेको मौसमविदले बताएका छन्।

सुदूरपश्चिम र कर्णाली प्रदेशमा आंशिक बदली रही बाँकी प्रदेशका भूभागहरुमा आंशिक देखि सामान्य बदली रहने महाशाखाले जनाएको छ। देशका उच्च पहाडी र हिमाली भूभागका केही स्थानमा हल्का देखि मध्यम हिमपातको सम्भावना रहेको छ । वर्षा र हिमपातले चिसो बढ्न सक्ने भएकोले सचेतता अपनाउन पर्ने देखिएको छ ।