featured photo: Birat Post

विराटनगर १२ माघ ।
कोभिड भ्याक्सिन विराटनगरमा आइसकेको छ । मोरङका नागरिकहरुका लागि हाललाई विराटनगरका तीन अस्पतालमा केन्द्र तोकिएको छ । कोशी अस्पताल, नोबेल मेडिकल एण्ड टिचिङ हस्पिटल र विराट मेडिकल एण्ड टिचिङ हस्पिटल रहेका छन् । खोपका लागि अन्य केन्द्र पनि विस्तार हुन सक्ने बताइएको छ ।फ्रन्ट लाइनमा खट्टिने लक्षित बर्गका लागि पहिलो चरणमा खोप लगाइने जनाइएको छ ।

जिल्लास्थित कोभिड सुरक्षा उपचार समन्वय समितिले त्यसको व्यवस्थापन मिलाइरहेको छ । यस्तै प्रदेश १ का १४ जिल्ला र प्रदेश २ का सिराहा–सप्तरी समेतका लागि कोभिड–१९ भ्याक्सिन ‘कोभिसिल्ड खोप’ विराटनगर आईपुगेको हो।

स्वास्थ्य सेवा विभाग, व्यवस्थापन महाशाखाले पठाएको ९ हजार ६सय भायल खोप प्रदेश स्वास्थ्य आपूर्ती व्यवस्थापन केन्द्रमा आएको हो । यो खोप मंगलबार सम्वन्धित जिल्लाहरुमा पठाइने केन्द्रका कोल्डचेन निरिक्षक डा.चन्द्रकान्त ठाकुरले जानकारी दिए ।