विराटनगर १० पुष ।
उदयपुर उदयपुरगढि–६ स्थित एक घरबाट जुवा खेलिरहेको अवस्थामा १३ जना जुवाडे पक्राउ परेका छन् ।
पक्राउ पर्नेमा उदयपुरगढि–५ का ३१ वर्षीय सुशिल कुमार गुरागाई, ३२ वर्षीय मनोज थापा, उदयपुरगढि–६ का २८ वर्षीय सुरज कुमार मगर, ३० वर्षीय जिवन गिरी, ३० वर्षीय धर्मनाथ दाहाल, ३१ वर्षीय दुर्गारमण दाहाल, ३२ वर्षीय युवराज कार्की, ३३ वर्षीय यादव खत्री र ४० वर्षीय शरद खत्री रहेका छन । यसै गरी रौतामाई–७ का ४३ वर्षीय प्रकाश दाहाल छन् भने उदयपुरगढि–८ का २७ वर्षीय सुदिप खत्री, ४० वर्षीय श्याम खत्री र ४२ वर्षीय बिदुर खत्री रहेका छन ।
घरमा जुवा खेलिरहेको भन्ने विशेष सुराकीका आधारमा जिल्ला प्रहरी कार्यालय उदयपुरबाट खटिएको प्रहरी टोलीले उनिहरुलाई नियन्त्रणमा लिएको थियो । साथै प्रहरीले जुवाको खालबाट नगद ५८ हजार ८ सय ५ रुपैया, १६ थान कौडा, १२ थान मोबाईल र ८ थान मोटरसाईकल समेत बरामद गरेको छ ।
पक्राउ परेका सबै जना उपर कानुनी कारवाही अगाडी बढाइएको जिल्ला प्रहरी कार्यालय उदयपुरले जनाएको छ ।