featured photo: Birat Post

विराटनगर २ पुष ।
मोरङको विभिन्न २ स्थानबाट नियन्त्रित लागुऔषध खैरो हेरोईन सहित ३ जना पक्राउ परेका छन् । पक्राउ पर्नेमा भारत बिहार अररिया जोगबनी–९ का ३२ वर्षीय सुरजेश कुमार राय र सोही स्थानका १३ वर्षीय मो.आशिक मिया रहेका छन् ।

विशेष सुराकका आधारमा लागुऔषध नियन्त्रण व्युरो विराटनगरबाट खटिएको प्रहरी टोलीले उनिहरुलाई विराटनगर–१६ स्थित दरैयाबाट नियन्त्रणमा लिईएको जिल्ला प्रहरी कार्यालय मोरङले जनाएको छ । नियन्त्रण पश्चात चेकजाँच गर्दा उनिहरुको साथबाट ५ ग्राम खैरो हिरोईन बरामद गरिएको हो । यसै गरी विराटनगर–१७ का २७ वर्षीय लद्दीफुल मिया १३ ग्राम खैरो हिरोईन सहित पक्राउ परेका छन् । उनलाई विराटनगर–७ शनिमन्दिर एरियाबाट पक्राउ गरिएको हो ।

यसरी लागुऔषध खैरो हेरोईन सहित पक्राउ परेका तिनै जना उपर जिल्ला प्रहरी कार्यालय मोरङबाट थप अनुसन्धान तथा कानुनी कारवाही अगाडी बढाइएको छ ।