Birat Post मंगलबार, मंसिर ३०, २०७७ मा प्रकाशित
विराटनगर ३० मंसिर ।
मोरङको धनपालथान गाउँपालिकाबाट २ हजार ४ सय ६० केजी चिनीसहित चारजना पक्राउ परेका छन् ।
भारतको कुवाडीबाट अवैध रुपमा भन्सार छलेर भित्र्याइएको ४९ बोरा चिनीसहित धनपालथान गाउँपालिका–४ का सुनिल राजवंशीको गोदामबाट उनिहरुलाई पक्राउ गरिएको हो । पक्राउ पर्नेमा मोरङ रंगेली नगरपालिका–१ का २१ वर्षीय अभिषेककुमार साह, धनपालथान गाउँपालिका–२ का १७ वर्षीय दिपककुमार मण्डल, सोही स्थानका १८ वर्षीय अर्जुनकुमार मण्डल र १९ वर्षीय रूपेश मण्डल रहेका छन् ।
जिल्ला प्रहरी कार्यालय मोरङबाट खटिएको प्रहरी टोलीले भारतबाट ल्याइएको चिनी नेपाली बोरामा पल्टी गरिरहेको अवस्थामा उनिहरुलाइ नियन्त्रण लिएको थियो । प्रहरीले गोदामबाट चार थान मोटरसाइकल समेत बरामद गरेको छ । अवैधरूपमा भन्सार छली ल्याएको चिनीको बजार मूल्य अन्दाजी एक लाख ४७ हजार बराबर रहेको छ ।
बरामद सामाग्री आवश्यक कारवाहीका लागि भन्सार कार्यालय रानी, विराटनगर बुझाउने तयारी भइरहेको जिल्ला प्रहरी कार्यालय मोरङले जनाएको छ ।
सहकारी ठगी अभियोग लागेका कांग्रेस र एमालेका नेता पनि पक्राउ गर्नुपर्छ :राजेन्द्र लिङ्देन
जग्गाका विषयमा असहमति राख्ने नेताहरुलाई एमालेले स्पष्टीकरण सोध्ने
छ दलका नेताहरूले सरकारको ध्यानाकर्षण गराउँदै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
