featured photo: Birat Post

विराटनगर २८ मंसिर ।
विराटनगर महानगरपालिका –६ सरौचियाबाट भन्सार छलेर अवैध रुपमा भित्र्याइएको १ लाख ६२ हजार रुपैयाँ बराबरको लत्ताकपडा सहित एक जना पक्राउ परेका छन् । पक्राउ पर्नेमा सोहि स्थानका २४ वर्षीय आशिफ खान रहेका छन् ।

प्रहरीका अनुसार खानको घरबाट २ सय ४० थान स्वीटर, ८४ थान सुरुवा र १५ थान कुर्ता समेत संग्रह गरेर राखिएको अवस्थामा बरामद भएको छ । पक्राउ परेका खानलाई कारवाहीका लागि लत्ताकपडासहित भन्सार कार्यालय रानीमा बुझाइने जिल्ला प्रहरी कार्यालय मोरङले जनाएको छ ।

मोरङ प्रहरीले पछिल्लो समय अवैध रुपमा भन्सार छलीको क्रमलाइ नियन्त्रण गर्ने कार्य तीव्र बनाएको छ,तस्करी नियन्त्रणका लागि सीमा क्षेत्रमा विशेष निगरानी बढाएर कडाई थालेको छ ।