Birat Post मंगलबार, मंसिर २३, २०७७ मा प्रकाशित
विराटनगर २३ मंसिर ।
विश्व हिन्दू परिषद नेपालले सिद्धबाबाको चरित्र हत्या गर्नेलाई कडा कारवाहीको माग गरेको छ । जवरजस्ती करणीको कसुरमा थुनामा रहेका गिरीलाई सुनसरी जिल्ला अदालतले गत मंसिर २३ गते सफाई दिएको हो । अदालतले ‘जबरजस्ती करणीको कसुरमा सजाय हुनुपर्ने भन्ने अभियोग दाबी पुग्न नसक्ने हुँदा प्रतिवादी सिद्धबाबाले आरोपित कसुरबाट सफाई पाउने ठहर्छ ।’ भनि सफाई दिएको हो ।
यता अदालतले सफाई दिएपछि विश्व हिन्दू परिषद नेपालले भने गलत मनसाय राखी पूज्य सन्तमाथि जबरजस्ती करणी जस्ता गम्भिर आरोप लगाउनु निन्दनीय एवं दण्डनीय रहेको भन्दै आपत्ति प्रकट गरेको छ ।
हिन्दु साधुसन्तहरुमाथि श्रृंखलाबद्धरुपमा आक्रमण हुदै आएको अवस्थामा समेत प्रशासनले कुनै एक फर्जी उजुरीको आधारमा कारवाही थाल्नुले प्रशासन माथि नै प्रश्न चिन्ह खडा भएको परिषद्को ठहर छ । हिन्दू आस्था एवं साधुसन्तको मर्यादाको ख्याल नै नगरी, उजुरीकर्ताको सत्यता परिक्षण नै नगरीकन प्रशासनले पूज्य सन्त विरुद्ध कारवाही गर्नु शंकाष्पद बनेको समेत परिषद्को आरोप रहेको छ ।
प्रशासनको लापरवाही एवं अकर्मण्यताका कारण पूज्य सन्तले विभिन्न किसिमको दुःख, कष्टको सामना गर्नु परेको, बहुसंख्यक हिन्दूहरुको देशमा समेत साधुसन्तमाथि यस किसिमको षडयन्त्र एवं दुव्र्यवहार गरिएको भन्दै परिषदले दुःख व्यक्त गरेको छ ।
परिषदले प्रशासनबाट गरिएको यस्तो कृत्यको निन्दा गर्दै हिन्दू आस्था एवं पूज्य सन्त रामकृष्णाचार्य श्री वैष्णव कृष्ण दास (सिद्धबाबा) को चरित्र हत्या गर्नेलाई कडा कारवाहीको माग गरेको छ । हिन्दू साधुसन्तहरुको मर्यादा एवं हिन्दू आस्थाको ख्याल गर्दै सत्य तथ्य पुष्टि पश्चात मात्र कारवाही थाल्न सरकार समक्ष परिषद्ले आग्रह समेत गरेको छ ।
जलनको उपचार निःशुल्क गर्ने मन्त्रिपरिषदको निर्णय
रास्वपा आन्दोलनमा उत्रिएपछि पोखरामा निषेधाज्ञा जारी
अन्ततः पक्राउ परे रवि लामिछाने, कसरी अघि बढ्छ अनुसन्धान ?
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
