featured photo: Birat Post

झापा १९ कार्तिक ।
झापाको मेचीनगरबाट पटका सहित दुई जना पक्राउ परेका छन् । पक्राउ पर्नेमा मेचीनगर नगरपालिका –५ का २९ बर्षीय प्रशन्न जित दर्जी र टेम्पो चालक ३९ बर्षीय बिश्वनाथ प्रधान रहेका छन् ।

भारतबाट नेपाल तर्फ लुकाइ छिपाइ मे १ ह ५५२७ नम्बरको टेम्पोमा पटका ल्याउँदै गरेको अवस्थामा विशेष सुराकीका आधारमा खटिएको प्रहरी टोलीले उनिहरुलाइ नियन्त्रणमा लिएको थियो । टेम्पोबाट १३ बोरा विभिन्न किसिमका पटका बरामद गरिएकोे छ ।

बरामद गरिएको पटका र टेम्पो ईलाका प्रहरी कार्यालय धुलावारीमा राखी कानुनी कारवाही अगाडी बढाइएको जिल्ला प्रहरी कार्यालय झापाले जनाएको छ ।