Birat Post मंगलबार, आश्विन २७, २०७७ मा प्रकाशित
विराटनगर २७ असोज ।
नेपाली कांग्रेसले नेकपा नेतृत्वमा रहेको प्रदेश नं. १ को सरकार भ्रष्टचारमा लिप्त रहेको आरोप लगाएको छ । मङ्लबार पत्रकार महासंघको सभाहलमा आयोजित पत्रकार सम्मेलनमा कांग्रेसका नेताहरुले सरकारका सबै मन्त्रीहरु कोरोनाको नाममा भागण्डामा लिप्त रहेको आरोप लगाएका छन् ।
कार्यक्रममा बोल्दै नेपाली कांग्रेसका प्रमुख सचेतक केदार कार्कीले अगुवा भनेको सरकारकै अवस्था असभ्य र अशिक्षित प्रकारको देखिएको बताए । उनले प्रदेश सरकारलाई साधन स्रोत र बजेटको नभई कार्यशैली, कार्यक्षमता र योग्यताको अभाव देखिएको बताएका छन् ।
प्रदेश नं. १ का मुख्यमन्त्री शेरधन राईले एक हजार शैय्याको कोभिड अस्पताल बनाउने घोषणा गर्दै प्रचार–प्रसार गरेता पनि सो हुन नसकेको र बिरामीहरुले घरमै छटपटाएर अनाहकमै ज्यान गुमाइरहदा समेत सरकार मौन रहनु दुःखद रहेको बताए ।
कार्यक्रममा प्रमुख प्रतिपक्षी दलका नेता राजिव कोइरालाले राज्यका निकायहरुले कोभिड नियन्त्रणमा काम गर्न नसकेको आरोप लगाए । कोरोनाका कारण प्रदेश पूर्ण रुपमा आक्रान्त बन्दा सरकारका बैठक, समारोह मास्कविहिन बन्नु र सामाजिक दूरीको धज्जी उडाइनु लज्जास्पद भएको बताए ।
कार्यक्रममा कांग्रेस सचेतक सूयर्माराज राई, प्रदेश १ संसदिय लेखा समिति संयोजक शिवनारायण सिंह लगायतको सहभागिता रहेको थियो ।
राप्रपाले पुष १३ गते इटहरीमा विरोधसभा गर्ने
काँग्रेसका युवा नेता प्रविन जोशी काँग्रेस क्षेत्र नं ६ (ख) को कोषाध्यक्षमा मनोनित
तेक्वान्दोको ग्रेडिङ्ग दमकमा सुरु, प्रदेश भरीको १३१ खेलाडीको सहभागि
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
