Birat Post बिहिबार, साउन ०८, २०७७ मा प्रकाशित
विराटनगर ८ साउन ।
प्रदेश १ को बजेट अधिवेशन अन्त्य हुने भएको छ । आज बसेको मन्त्री परिषद्को बैठकले प्रदेश सभाको छैठौं तथा बजेट अधिवेशन साउन ९ गते शुक्रबार राती १२ बजे देखि अन्त्य गर्ने निर्णय गरेको हो । प्रदेश १ का आर्थिक मामिला तथा योजना मन्त्री इन्द्र आङ्वोले बजेट अधिवेशन शुक्रबार देखि अन्त्य गर्ने प्रस्ताव प्रदेश प्रमुख समक्ष पठाउने निर्णय गरेको जानकारी दिए ।
यस्तै मन्त्री परिषद्ले महालेखाको प्रतिवेदन प्रदेशसभामा पेश गर्ने प्रस्ताव स्वीकृत गर्ने निर्णय गरेको छ । प्रदेशका अस्थायी कर्मचारीको म्याद १ वर्ष थप गर्ने र सरुवा गर्न सम्बन्धित मन्त्रालयलाई जिम्मेवारी दिइएको छ । त्यसैगरी पर्यटन विकास नियमावली, वातावरण संरक्षण नियमावली, होमस्टे सञ्चालन तथा व्यवस्थापन कार्यविधि स्वीकृत गरेको छ ।
यस्तै ओखलढुंगामा यातायात व्यवस्था कार्यालय थप गरी सेवा सञ्चालन गर्ने,सामाजिक संस्था सम्बन्धमा व्यवस्था गर्न बनेको विधेयक २०७७ प्रदेश सभामा पेश गर्न स्वीकृति प्रदान गर्ने निर्णय पनि मन्त्रीपरिषद्ले गरेको छ ।
राप्रपाले पुष १३ गते इटहरीमा विरोधसभा गर्ने
काँग्रेसका युवा नेता प्रविन जोशी काँग्रेस क्षेत्र नं ६ (ख) को कोषाध्यक्षमा मनोनित
तेक्वान्दोको ग्रेडिङ्ग दमकमा सुरु, प्रदेश भरीको १३१ खेलाडीको सहभागि
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
