Birat Post बुधबार, आषाढ ३१, २०७७ मा प्रकाशित
गर्मी महिना लागेसँगै छालामा विभिन्न समस्याहरु आउने गर्छन् । एलर्जी, घमौरा, गर्मी समयमा छालामा आउने मुख्य समस्या हुन् । तर गर्मीमा छालालाई ख्याल गर्ने हो भने छाला सम्बन्धी समस्या समाधान हुन सक्छन् । गर्मीमा छालामा कस्ता खालका समस्याहरु आउँछन् ? कसरी जोगिने ? छालामा आउने समस्या समाधानको लागि अपनाउनुपर्ने उपाय के हुन्न् लगायतबारे वरिष्ठ छालारोग विशेषज्ञ डा. लैला लामाको टिप्स :-
गर्मी भन्ने बित्तिकै हामीले चर्काे घाम बुझ्छौ । चर्काे घामले छालालाई जलाउने समस्या हुन्छ । विशेष गरेर खेलकुदसँग आबद्ध व्यक्तिहरुले खेल खेलेपछि छाला रातो हुने सुन्निने जस्ता समस्याहरु बोकेर आउनुहुन्छ । त्यो बाहेक गर्मी समयमा तेल निकाल्ने ग्रन्थीले धेरै तेल निकाल्छ जसले गर्दा छाला चिल्लो हुन्छ । छाला चिल्लो हुनु आफैँमा पनि एउटा समस्या हो । छाला धेरै चिल्लो हुँदा डण्डीफोर आउने व्यक्तिहरुमा, डण्डीफोरको मात्रा बढी हुने र कडापना पनि बढेर आउँछन् ।
यस्तै गर्मी समयमा छालामा हुने अर्काे समस्या भनेको घमौरा हो । यो सामान्यतया धेरै व्यक्तिमा हुने समस्या हो । घमौरा धेरैजसो पसिना निकाल्ने ग्रन्थीको मुख बन्द भएर बाहिर निकाल्न नसकेपछि घमौरा आउँछ । साधारण खटिरा आउनेदेखि पाक्ने घमौरा पनि हुन्छन् । यस्ता घमौरा गर्मी समयमा धेरै आउँछन् । तराईमा धेरै गर्मी भएको हुँदा छाला जल्ने छाला कालो हुने जस्ता समस्याहरु हुन्छन् । सकेसम्म घामबाट छालालाई बचाउँदा राम्रो हुन्छ ।
बालबालिकामा धेरै घमौरो किन आउँछ ?
गर्मी समयमा बालबालिकामा घमौरो धेरै देखिन्छ । किन भने बालबालिकाको शरीरको पसिना निकाल्ने ग्रन्थीको राम्रोसँग विकास भएको हुँदैन । पसिना बाहिर निस्किन नसक्दा घमौरा आउँछ । बालबालिकको शरीरको पसिना आउने ग्रन्थी पूर्ण रुपमा विकास नभए घमौरा आउने जस्तै वृद्धावृद्धहरुको हकमा पनि धेरै घमौरा आउने सम्भावना हुन्छ । वृद्धावृद्धहरुले कपडा धेरै लगाउने हुँदा पनि धेरै घमौरा आउने सम्भावना हुन्छ ।
गर्मी महिनामा अन्य उमेरका व्यक्तिहरुको छालामा पनि घमौरा आउने समस्या हुन्छ । दिनभरी काम गर्दा छालामा फोहोर जमेको हुन्छ । छालालाई सहि तरिकाले हेरचाह गरेको छैन भने भिजेको छालामा फङ्गस जातको किटाणु पलाउँछ जसले गर्दा फंङगल इन्फेक्सन हुने सम्भावना धेरै हुन्छ ।
गर्मी महिनामा धेरै नुहाउँदा एउटा बेफाइदा के हुन्छ भने शरीर सफा भएपनि छाला सुख्खा हुन्छ । धेरै नुहाउँदा र साबुनको कारणले पनि छाला सुख्खा हुन्छ । यसरी धेरै नुहाउँदा शरीरमा सुख्खा दागहरु आउने छाला चिलाउने समस्या हुन सक्छ ।
गर्मीमा छाला स्वास्थ्य राख्ने विधि :
१. पसिना धेरै नहुने र हावा छिर्ने खुकुलो कपडाको प्रयोग गर्ने ।
२. प्रशस्त मात्रामा पानी पिउने ।
३. जमेको पसिनालाई समयमा पखाल्ने छालालाई सफा राख्ने । पसिना धेरै आउने ठाउँमा धुने पुस्ने र सफा राख्ने । यस्तो गर्दा गर्मीमा हुने छालामा हुने समस्याबाट बच्न सकिन्छ ।
-डा. लैला लामा वरिष्ठ छालारोग विशेषज्ञ
स्रोत: रातोपाटी डट कम
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
