Birat Post मंगलबार, आषाढ १६, २०७७ मा प्रकाशित
नयाँदिल्ली । भारतका प्रधानमन्त्री नरेन्द्र मोदीले कोरोना महामारीसँग जुध्न सरकारले सही समयमा उचित कदम उठाएको बताएका छन् । राष्ट्रका नाममा सम्बोधन गर्दै मोदीले महामारीबाट बच्न सही समयमा गरिएको लकडाउन र अन्य फैसलाहरुले भारतमा लाखौं नागरिकको ज्यान जोगिएको दाबी गरे ।
उनले अनलक–१ सुरु भएसँगै मानिसहरुको लापरबाही पनि बढ्दै गएको बताए । मोदीले स्वास्थ्यसँग सम्बन्धित गाइडलाइनको पालन गर्न अपिल गर्दै गाउँको प्रधानदेखि प्रधानमन्त्रीसम्म सबैले कानुन मान्नुपर्नेमा जोड दिए ।
उनले ‘प्रधानमन्त्री गरिब कल्याण योजना’ विस्तार गरिने पनि बताए । सरकारले अहिलेसम्म ८० करोड मानिसहरुलाई तीन महिनासम्म निःशुल्क खाद्यान्न उपलब्ध गराएको भन्दै मोदीले यो सुविधा २०२० नोभेम्बरसम्म लागु हुने पनि बताए ।
लामा–लामा भाषण गर्दै आएका प्रधानमन्त्री मोदीले मंगलबार राष्ट्रका नाममा मात्र १६–१७ मिनेट सम्बोधन गरेका थिए । आमनागरिकले कोरोनासँगै भारत–चीन विवादका बारेमा पनि सम्बोधन हुने अनुमान गरे पनि उनले चीनका बारेमा केही कुरा गरेनन् । –बीबीसी
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
