Birat Post बिहिबार, जेठ २९, २०७७ मा प्रकाशित
काठमाडौं २९ जेष्ठ ।
सरकारले जारी लकडाउनलाई खुकुलो बनाउने औपचारिक निर्णय गरेको छ । सरकारको यसखाले निर्णय आउनुभन्दा अगावै जनताले देशभर लकडाउनको पालना गर्न छोडिसकेका छन् । बुधबार बसेको मन्त्रिपरिषद्को बैठकले लकडाउन खुकुलो बनाउने निर्णय गरेको सरकारका प्रवक्ता डा युवराज खतिवडाले बिहीबारको पत्रकार सम्मेलनमा जानकारी दिए ।
खतिवडाले स्वास्थ्यसँग सम्वन्धित सबै सेवा खुला गर्ने निर्णय भएको जानकारी दिए । जसअनुसार निजी क्लिनिक समेत सञ्चालन हुनेछन् । कृषि र पशुपक्षी सेवा, उत्पादन र बिक्री खुला गरिएको छ भने उद्योग, व्यापार, व्यवसाय, पसलहरु, डिपार्टमेन्टल स्टोरहरु खुला गरिएको खतिवडाले बताए । व्यक्तिहरुको पैदल आवागमन खुला गरिएको भनिएको छ । सरकारले साइकल र मोटरसाइकल चल्न दिने निर्णय गरेको छ । तर, मोटरसाइकलमा दुई जना यात्रा गर्न रोक लगाइएको छ ।
काठमाडौं उपत्यका र अन्य जिल्लाको हकमा सम्बन्धित जिल्लाभित्र जोरबिजोर प्रणालीमा निजी सवारी साधन सञ्चालन गर्न पाइने छ । तर जोरबिजोरको आधारमा चल्ने सवारीसाधनमा चालकबाहेक थप २ जना मात्रै सवार हुन पाइने छ । त्यस्तै बैंक, बित्तीय संस्था र सहकारी पनि खुल्ला गर्ने सरकारी निर्णय छ ।
सरकारले साइकल र मोटरसाइकल चल्न दिने निर्णय गरेको छ । मोटरसाइकलमा दुई जना यात्रा गर्न पाइने छैन । एक जनामात्र चड्न पाइने सरकारको यो कुरा कार्यान्वयनमा आउने कुरामा आंशका छ । सरकारको यो निर्णय सार्वजनिक हुनासाथ सामाजिक सन्जालमा यसको ब्यापक बिरोध शुरु भएको छ । काठमाडौं उपत्यका र अन्य जिल्लाको हकमा सम्बन्धित जिल्लाभित्र जोरबिजोर प्रणालीमा निजी सवारी साधन सञ्चालन गर्न पाइने छ भनिएको छ । काठमान्डौ बाहिरका जिल्लामा त्यो संम्भव नहुने तर्क पनि सामाजिक सन्जालमा आइसकेको छ । सरकारले जोरबिजोरको आधारमा चल्ने सवारीसाधनमा चालकबाहेक थप २ जना मात्रै सवार हुन पाइने छ भनेको छ ।
ट्राफिक कार्यालय मोरङले आतङ्क सिर्जना गरेको आरोप, निर्बाध आवागमनको माग राख्दै भन्सार एजेन्ट संघ
कोशीका सांसद लिलाबल्लभ अधिकारीविरूद्ध मुद्दा नचल्ने
उखु उत्पादन वृद्धि एवं प्रवद्र्धनमा सहयोग हुन्छ : मुख्यमन्त्री कार्की
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
