Birat Post सोमबार, जेठ १९, २०७७ मा प्रकाशित
विराटनगर १९जेष्ठ /
नेपालको इतिहासमा कालो दिन अर्थात जेष्ठ १९ गते । आज १९ नै वर्ष पुगेको छ । दरबार हत्याकाण्ड हुँदा राजा वीरेन्द्र शाह र रानी ऐश्वर्यासहित राजपरिवारका १० सदस्य मारिएका थिए । अधिराजकुमारी श्रुती, अधिराजकुमार निराजन, राजा वीरेन्द्रका भाई धिरेन्द्र शाहलगायत ९ जनाको घटनास्थलमै ज्यान गएको थियो । यस घटना पछि घाइते अवस्थामा रहेका युवराज दीपेन्द्रलाई राजा घोषणा गरिएको थियो । तीन दिनपछि दीपेन्द्रलाई पनि मृत घोषित गरियो । त्यसपछि ज्ञानेन्द्र शाह नेपालका नयाँ राजा बनेका थिए ।
युवराज दिपेन्द्रले लागुऔषधको नशामा रहेर जथाभावी फायरिङ गरेको र आफुले आफैलाई गोली प्रहार गरेको बताइएको छ तर यो अहिलेपनि रहस्यमय नै छ । यही पेरिफेरीमा नेपालमा माओवादीको राजनैतिक प्रबेश भएको छ भने हत्याकाण्डको ७ वर्षपछि २०६५ साल १५ जेठमा संविधानसभाको पहिलो बैठकले नेपालबाट राजतन्त्र अन्त्य भएको घोषणा गरेको छ ।
दरवार हत्याकाण्डको १९ वर्ष वित्दा सम्ममा नेपालमा लोकतन्त्र,गणतन्त्र संगै देशले नयाँ संबिधान पाएको छ । जनताको नासो जनतालाई प्रदान गरेको बताउने पूर्वराजा ज्ञानेन्द्र शाहले बेला बेलामा जनहितका काम नभएको विषयमा प्रश्न उठाउने र सहमति अनुरुप स्पेस दिनुपर्ने खालका कुरा गदैै आएका छन् । नेपालमा पछिल्लो राजनैतिक घटनाक्रमले समेत यसका केही संकेतहरु देखाउन थालेको छ । देश धर्म निरपेक्ष भएको विषयमा समेत अधिकांश नेपालीले अशन्तोष ब्यक्त गरिरहेका छन् । पश्चिमा राष्ट्रहरुको प्रभावमा नेपाललाई धर्मनिरपेक्ष बनाइएको आरोप नेताहरुलाई लाग्ने गरेको छ ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
