Birat Post मंगलबार, जेठ १३, २०७७ मा प्रकाशित
विराटनगर १३ जेष्ठ ।
लकडाउनको समयमा समेत अग्रमोर्चामा रहेर कोरोना सक्रमणको सूचना प्रबाह गर्ने मोरङ पत्रकारहरुलाई पहेलो प्रेस ज्याकेट प्रदान गरिएको छ । मंगलबार जीपी फाउण्डेसन मोरङले एक कार्यक्रमका बीच प्रेस ज्याकेट बितरण गरेको हो । कोरोनाको अत्याधिक जोखिममा रहेका क्षेत्रमा कार्यरत पत्रकारहरूलाई लक्षित गरि प्रेस ज्याकेट बितरण गरिएको फाउण्डेसन मोरङका अध्यक्ष कौशल निरौलाले जानकारी दिए । उक्त ज्याकेट मोरङका ४५ जना पत्रकारलाई बितरण गरिएको छ । बाकी रहेका पत्रकारहरुवाट माग भए आबश्यकता अनुरुप बितरण गरिने अध्यक्ष निरौलाले बताए ।
उक्त प्रेस ज्याकेट केही दिन अगाडी फाउण्डेसनकी केन्द्रीय अध्यक्ष सुजाता कोईरालाले एक अनौपचारिक कार्यक्रमका बीच फोटो पत्रकार महासंघलाई हस्तान्तरण गरेकी थिइन् । ज्याकेट वितरण कार्यक्रममा बरिष्ठ पत्रकार शंकर खरेल,शेखर रेग्मी ,अनन्तराज न्यौपाने ,लिलाबल्लभ घिमिरे,कुमोद अधिकारी ,कुमार लुईटेल ,फोटो पत्रकार महासंघ प्रदेश १ अध्यक्ष बेदराज पौडेल,जीपी फाउण्डेसन जिल्ला सदस्य रिता पोखरेल लगयतका ब्याक्तिहरुको सहभागिता रहेको थियो । जीपी फाउण्डेसनले देश तथा बिदेशका विभिन्न भागमा सामाजिक कार्यहरु गर्दै आएको छ ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
