रोशिका अधिकारी सोमबार, जेठ १२, २०७७ मा प्रकाशित
विराटनगर १२ जेष्ठ ।
विराटनगर महानगरपालिकाले कोरोना भाइरस (कोभिड—१९) को जोखिम न्यूनीकरणका लागि क्वारेन्टाइनलाई थप व्यवस्थित बनाएको छ । कोरोना सक्रमितको संख्या बढिरहदा महानगर क्वारेन्टाइन व्यवस्थापनमा लागेको हो । विराटनगरका विभिन्न स्थानमा रहेका सार्वजनिक स्थानहरुमा क्वारेन्टाइनको ब्यवस्थापन गरिएको छ ।
स्वास्थ्यचौकी बैजनाथपुरमा २०,अतिथि सदनमा ४०, मारवाडी सेवा सदनमा ४०, जैनभवनमा २०, काली सदनमा ४० र रामजानकीमा धर्मशालामा ४० शंया क्षमताको क्वारेन्टाइन व्यवस्थापन गरेको छ । क्वारेन्टाइनमा बस्नेहरुको अवस्था अनुगमन तथा नियन्त्रणका लागि विराटनगर महानगरको नगर प्रहरी खटिएको छ । नगरप्रहरीले सीसी क्यामेरा मार्फत निगरानी गर्ने र थप व्यवस्थित बनाउने काम भइरहेको विराटनगर महानगरपालिकाका मेयर भीम पराजुलीले जानकारी दिए । क्वारेन्टाइनमा आबश्यक सवै प्रबन्ध मिलाइएको मेयर पराजुलीको भनाइ छ ।
क्वारेन्टाइनमा बस्नेहरुलाई महानगरले एटेज वाथरुम सहितको कोठा,खाना र खाजाको प्रबन्ध समेत गरिरहेको छ । हाल क्वारेन्टाइनमा १४ जना बसिरहेका छन् भने ३० जना क्वारेन्टाइनको बस्ने अबधि पुरा गरेर आफ्नो घर गएको महानगरका जनस्वास्थ्य महासाखा प्रमुख रमेश कार्कीले जानकारी दिए । क्वारेन्टाइन सुरक्षामा विराटनगर महानगरका नगर प्रहरी प्रमुख राजन पौडेलको नेतृत्वको टोलीले काम गरिरहेको छ । यस्तै सीमा क्षेत्रवाट आउने नागरिकका लागि होल्डिङ् गर्ने स्थान र आबश्यक थप क्वारेन्टाइनको लागि आइतवार मेयर पराजुली र प्रमुख जिल्ला अधिकारी मदन भुजेल सहितको टोलीले विराटनगरका सम्भाव्य स्थानको अध्ययन गरेको छ ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
