Birat Post बुधबार, जेठ ०७, २०७७ मा प्रकाशित
विराटनगर ,७ जेष्ठ ।
कोरोना भाइरस सक्रमणको दर बढे संगै विराटनगर महानगरले वडा-वडामा क्वारेन्टाइन निर्माणको अवधारणा अगाडी ल्याएको छ । बुधवार महानगरको कोभिड १९ संकट व्यवस्थापन समितिको बैठकले वडा-वडामा क्वारेन्टाइन निर्माण गर्ने विषयलाई प्रमुखताका साथ अगाडी सारेको छ । यसका लागि महानगरका वडा नं.३ र ११ तयार भएका छन् । अन्य वडाका वडाध्यक्षहरु समेत सकारात्मक रहेको महानगरका मेयर भीम पराजुलीले जानकारी दिए । सीमा क्षेत्रवाट आउनेहरुको संख्या दिनहौ बढिरहदा होल्डिङ् गर्ने स्थान र क्वारेन्टाइन निर्माण गर्न समेत आबश्यक भइसकेकोले यसका लागि थप गृहकार्य भइरहेको बताए । यस्तै महानगर भित्रका वित्तिय क्षेत्र तथा पसल ,व्यवसाय नियमन सहित सन्चालन गर्ने विषयलाई समेत थप तयारी भइरहेको मेयर पराजुलीले जानकारी दिए ।
बैठकमा बोल्दै मोरङका प्रमुख जिल्ला अधिकारी मदन भुजेलले कोरोना सक्रमण नियन्त्रणमा तीन वटा कठिनाई रहेको बताए । भन्सार बाट प्रबेश गर्ने मालवाहक गाडीका मजदुर,विरामीको उपचार पछी फकिएका व्यक्ति र लुकिछिपी आउने ब्याक्तिहरुनै मूख्य समस्या भएको बताए । नियन्त्रणमा जतिसुकै सावधानी अपनाएपनि कुनै न कुनै किसिमको समस्या आइ रहेको उनले बताए । महानगरले गरेका निर्णय कार्यान्वयनमा प्रशासन प्रतिबद्ध रहेको बताए ।
यसै गरी विराटनगर महानगर स्वास्थ्य महाशाखा प्रमुख रमेश कार्कीले पीसीआर टेष्टका लागि प्रयाप्त सहयोग प्रदेश सरकारले नगरेको आरोप लगाए । महानगरले आफै सहयोगी भुमिका खेल्दा हौसला प्रदान गर्नुपर्नेमा त्यसखाले सहयोग प्राप्त नभएको बताए । महानगरले पीसीआर टेष्टका लागि दैनिक १ सय जनाको स्वाव लिन सक्ने तर त्यसको रिपोर्ट समयमै नआउदा काम गर्न कठिनाइ भइरहेको बताए । कार्यक्रममा विराटनगर महानगर उपमेयर इन्दिरा कार्की ,प्रमुख प्रशासकिय अधिकृत इन्द्रमणी पोखरेल, नेपाल रेडक्रसका कुमारप्रसाद निरौला लगायतको सहभागिता रहेको थियो ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
