Birat Post मंगलबार, जेठ ०६, २०७७ मा प्रकाशित
एजेन्सी-भारत / प्रशासित क्षेत्र जम्मु काश्मिरस्थित श्रीनगरमा दुई वर्षपछि भारतीय सेना र आतंकवादीबीच भएको भिडन्तमा पछिल्लो १२ घण्टामा २ जना आतंकवादीको मृत्यु भएको छ।
भारतीय सेनाले गरेको कारबाहीका क्रममा दुई जना आतंकवादीको मृत्यु भएको भारतीय सञ्चारमाध्यमले जनाएका छन्।
भारतीय सञ्चार माध्यमका अनुसार सोमबार राति २ बजे अपरेशन सुरु भएको र त्यहाँ दुई जना आतंकवादी लुकेर रहेको बताइएको छ। जसमा एक अलगाववादी हुर्रियत कन्फ्रेन्सका प्रमुख मोह्मद अशरफ सहराईको छोरा हुन सक्ने बताइएको छ।
राति २ बजे आतंकवादीले ग्रिनेट फ्याकेपछि सेनाले घेराबन्दी गरेर अपरेशन सुरु गरेको काश्मिरको क्षेत्रीय पुलिसले ट्विटरमार्फत जानकारी दिएका थिए।
सेनाले अपरेशन सुरु गरेपश्चात श्रीनगरमा बीएसएनएल बाहेक सबै फोन तथा मोबाइल इन्टरनेट बन्द गरिएको छ। यसअघि दुई हप्ता पहिले ६ मेमा सुरक्षा बलले पुलवामा हिजबुलका काश्मिर कमाण्डर रियाज नायकूलाई मारेका थिए।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
