Birat Post मंगलबार, जेठ ०६, २०७७ मा प्रकाशित
काठमाडौं ६ जेष्ठ ।
प्रधानमन्त्री केपी शर्मा ओलीले भारतले अतिक्रमण गरेको नेपाली भूमि फिर्ता गर्न सफल हुनेमा बिश्वस्त रहेको बताएका छन् । नेपाल सरकारको आगामी आर्थिक वर्षको नीति तथा कार्यक्रममाथिको छलफलमा प्रतिनिधिसभामा मंगलबार जवाफ दिँदै प्रधानमन्त्री ओलीले सरकारले नेपालको नयाँ राजनीतिक नक्सा तयार गरेसँगै यसले नेपालको मानचित्रमा परिवर्तन आएको उल्लेख गरे ।
कूटनीतिक बार्ता मार्फत भारतसँग कुराकानी गरिने बताए । नेपालको नयाँ नक्सालाई सरकारी छाप, निशान र पाठ्यक्रम आदिमा परिवर्तन गर्ने काम समेत हुने बताए । त्यसै गरी लिपुलेकको भूमि अतिक्रमणका विषयमा चीन संग पनि कुरा भइरहेको बताए । यस्तै अमेरिकी सहयोग मिलेनियम च्यालेन्ज कर्पोरेसन सम्झौता (एमसीसी) पास गर्ने कि नगर्ने संसदको विषय भएको बताएका छन् । त्यसै गरी लप्सीफेदी, रातमाटे, हेटौंडा र लप्सीफेदी रातमाटे, दमौली,बुटवल ४ सय केभी प्रशारण लाइन बनाइ छाड्ने बताए ।
कोरोना सक्रमणका कारण विश्व आक्रान्त भइरहेको र त्यसवाट नेपाल पनि अछुतो रहन नसकेको भन्दै प्रधानमन्त्रीले त्यसका लागि थप व्यवस्थापन सहित स्तरिय स्वास्थ्य सेवा प्रदान गर्न लागि रहेको बताए । ओलीले भारतबाट आएकाहरुका कडा खालको कोरोना भाइरस (कोभिड–१९) संक्रमण देखिएको भन्दै सीमा क्षेत्रको सुरक्षालाई अझ व्यवस्थित र कडाइ गर्न लागिएको बताए ।
देश बाहिरबाट आउनेहरूलाई रोक्न नसक्दा कोरोना भाइरस फैलिएको साथै लकडाउनको पालनामा समेत कमजोरी भएको बताए । विदेशमा रहेका नेपालीहरूको उद्धारका विषयमा बोल्दै ओलीले भने, त्यो काम त्यती सजिलो छैन । अमेरिका वा कतारले नेपालमा रहेका आफ्ना नागरिक फिर्ता लगेजस्तो सजिलो नभएको र लाखौ नेपाली ल्याउन सहज नहुने प्रधानमन्त्री ओलीको भनाइ छ ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
