मजदुरहरुको सूची तयार हुदै
Birat Post बिहिबार, जेठ ०१, २०७७ मा प्रकाशित
विराटनगर १ जेष्ठ ।
प्रदेश १ का विभिन्न इँटा उद्योगमा अलपत्र परेका भारतीय मजदुरहरुलाई स्वदेश फर्काउने पहल भएको छ । भारत सरकार संगको समन्वयमा मजदुरहरु फर्काउन लागिएको हो । यस विषयमा भारतले समेत चासो व्यक्त गर्दै आफ्ना नागरिक फर्काउन पहल गरिरहेको छ । यसको समन्वयकारी भूमिका कोसी अञ्चल इँटा उद्योग व्यवसायी संघले गरेको छ । संघको आग्रहमा नेपालस्थित भारतीय दूतावास आफ्ना नागरिकलाई स्वदेश फर्काउन सकारात्मक भएको हो ।
भारतीय मजदुरहरु लकडाउनका कारण अलपत्र परे संगै दुतावास संग समन्वय गरी मजदुर फर्काउन लागिएको हो ,संघका अध्यक्ष महेन्द्र साहले भने ,“हाम्रो आग्रहमा दूतावास आफैंले भारतीय मजदुर फर्काउन पहल लिएको छ ,यो सकारात्मक पक्ष हो ।’’ मोरङ,सुनसरी र झापाका इटा उद्योगमा काम गरिरहेका भारतीय मजदुरहरुको सूची तयार गरिरहेको साहले जानकारी दिए ।
यस विषयमा उद्योग संगठन मोरङले समेत चासो व्यक्त गरेको छ । संगठनका अध्यक्ष भीम घिमिरेले भारतीय दूतावासका अधिकारीहरुसंग इँटा मजदुरको समस्याका विषयमा कुराकानी गरेको बताए । भारत सरकारका तर्फबाट दूतावासले समस्यालाई चाँडै सम्बोधन गर्ने बताएको घिमिरेले जानकारी दिए । सुनसरी र मोरङमा ५३ तथा झापामा २१ वटा इटा उद्योग सञ्चालनमा छन् । त्यसमा काम गर्ने भारतीय मजदुर हजारौको संख्यामा रहेका छन् ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
