featured photo: Birat Post

लोकेश पोख्रेल,

विराटनगर २९ बैशाख /
विराटनगर महानगरका मेयर भीम पराजुलीले सीमा सिमाक्षेत्रमा अलपत्र परेका आफ्ना नागरिक ल्याउनुपर्ने बताएका छन् । विराटनगरमा भएको एक कार्यक्रममा बोल्दै पराजुलीले आफ्ना नागरिकले दुःख पाएको सरकारले टुलु टुलु हेर्न नमिल्ने बताए । सीमाक्षेत्रमा अलपत्र परेका नागरिकलाई क्वारेन्टाइनको व्यवस्थापन सहित ल्याउनु पर्दछ पराजुलीले भने “जनप्रतिनिधि बन्ने र जनताको पिडामा काम नगर्ने हो भने त्यसको कुनै अर्थ छैन । ”

सीमामा अड्किएका नागरिक स्वदेशमै बस्न पाउ ,फर्किन पाउँ भनेर गरिरहेको चित्कार राज्यले सुन्न सक्नुपर्दछ । संघीय र प्रदेश सरकार यस विषयमा सकारात्मक नभएको भन्दै स्थानिय सरकारको हैसियतमा आफ्ना नागरिक ल्याउने कार्यमा महानगर प्रतिबद्ध रहेको बताए ।

उनले हरेक स्थानिय तहले क्वारेन्टाइन बनाएको र आफ्ना-आफ्ना नागरिक त्यहि अनुसार राख्न सक्षम रहेको भन्दै उनले सरकारको रवैयाले नेपाली नागरिकले सिमाक्षेत्रमा अधितम कठिनाइ भोगिरहेको आरोप लगाए ।