Birat Post आइतबार, बैशाख २८, २०७७ मा प्रकाशित
विराटनगर २८ बैशाख ।
विराटनगर महानगरपालिकाले बन्दा,बन्दीका कारण उत्पन्न समस्यालाई मध्यनजर गर्दै दूरशिक्षा कार्यक्रम सञ्चालनमा ल्याएको छ । यही बैशाख २५ गतेबाट प्रारम्भ भएको कार्यक्रम फलदायी बन्दै गएको छ । विद्यार्थीहरुले कार्यक्रमलाई रुचाएको र यसलाई निरन्तरता दिने विराटनगर महानगरका शैक्षिकप्रशासन महाशाखाका प्रमुख नगरशिक्षा अधिकारी दुर्गाप्रसाद खतिवडाले जानकारी दिए ।
कार्यक्रम दैनिकरुपमा मकालु टेलिभिजनवाट विहान ११ वजेदेखि दिउसो १ः३० बजे सम्म प्रशारण हुने गरेको छ । यसमा कक्षा ६ देखि १० सम्मका विद्यार्थिलाई समेट्ने प्रयास गरिएको छ । टेलिभिजनवाट हुने प्रत्यक्ष प्रशारणमा गणीत ,विज्ञान र सामाजिक विषय समेटिएको छ । यस्तै रेडियो प्रशारणवाट समेत कक्षा ६ देखि १० सम्मका विद्यार्थीलाई पठनपाठनमा सहभागि बनाउने अभियानमा महानगर लागेको छ ।
विराटनगरको पूर्वेली एफ.एम ९८.४ मेगाहर्जवाट समेत शिक्षण गराउने काम भइरहेको छ । एफ एम वाट भाषा विषय अग्रेजी र नेपाली अध्यापन गराउने काम भइरहेको शिक्षा अधिकारी खतिवडाले जानकारी दिए । उनले टेलिभिजनबाट प्रशारित कार्यक्रमले महानगरका विद्यार्थी मात्र नभइ देशभरका विद्यार्थीले लाभ लिन सक्ने बताए । विराटनगर दूरशिक्षा कार्यक्रमको प्रत्यक्ष प्रशारणमा प्याप्सन विराटनगर ,एनप्याप्सन मोरङ,हिसान मोरङ र नेपाल शिक्षक महासंघ विराटनगरको सहकार्य रहेको छ ।
विराटनगरको सडक सौन्दर्यकरणका लागि हिमालयन बैंकको सहयोग
मंसिर २२ गते प्रदेश सम्मेलन गर्ने कांग्रेस कोशी प्रदेश समितिको निर्णय
एनईएससीको आयोजनामा भलिबल प्रतियोगिता सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
