featured photo: Birat Post

सुवास पोखरेल ,
सप्तरी ६ बैशाख /
प्रदेश २ का विभिन्न क्षेत्रमा आएको हावाहुरीले कृषिक्षेत्रमा ठूलो क्षती गरेको छ । हावाहुरीका कारण धेरै मानिसहरुको घर भत्किएका छन् । हजारौ विघाह जग्गामा लगाएको बालीमा क्षति पुगेको छ । गहुँ र मकै प्राय सोत्तर भएको पाइएको छ । यस्तै आपको खानिकारुपमा परिचित सप्तरीमा आँप, लिचीमा हावाहुरीले ठूलो असर गरेको छ ।

गहुँ भित्राउने समय र मकै समेत दाना लाग्ने क्रममा रहेका बेला आएको हावाहुरीले ठूलो क्षती भएकोमा कृषकहरु मारमा परेका छन् । कोरोनाको त्रास संगै कृषकलाई परेको यो पिडावाट यस क्षेत्रका जनता थप पीडित बन्न पुगेका छन् । हावा हुण्डरीकै कारण कतिपय ठाँउमा विजुलीका पोल ढलेका छन् जसका कारण सञ्चार बिच्छेद समेत भएको छ ।