महानगर भन्छ सरकारको बिश्वासिलो संस्थाबाट खरिद गरेका हौ
Birat Post मंगलबार, बैशाख ०२, २०७७ मा प्रकाशित
विराटनगर ३ बैशाख /
राहत वितरणका क्रममा लागेको आरोप खण्डन गर्दै विराटनगर महानगरले यसको दोष सरकार तर्फ तेर्साएको छ । कोरोना भाइरस सक्रमण संगै लकडाउनमा परेका सिमान्तकृत र विपन्न परिवारलाई राहत वितरणका लागि विराटनगर स्थित खाद्य व्यबस्था तथा व्यापार कम्पनी लिमिटेड बाट महानगरले चामल खरिद गरेको थियो ।खरिद गरिएको चामल गुणस्तरहीन भएको आरोप विराटनगर वडा नं. ९ का केही स्थानियले लगाए ।
यस संगै उत्पन्न अवस्थाका विषयमा महानगरले खाद्य व्यबस्था तथा व्यापार कम्पनी लिमिटेड जिम्मेवार हुने तर्क गरेको छ । महानगर कार्यपालिका प्रबक्ता उद्धव अर्यालले राजनैतिक कारण देखाएर प्रोपोगाण्डा गर्ने हो भने प्रदेश र संघीय सरकारलाई चामल बुझाइने चेतावनी दिएका छन् । राजनैतिक प्रतिशाेध राखेर गरिएको कुरा बाहिर आइ सकेकाे भन्दै उनले विपदमा राजनीति नगर्न समेत आग्रह गरे ।
सरकारको मातहतमा रहेको संस्थानबाट खरिद गरिएको सामानमा गुणस्तरहीनताको प्रश्न उठ्छ भने प्रदेश र संघीय सरकारले यसको जिम्मेबारी लिनुपर्दछ । “अर्यालले भने बिश्वास गरिएको संस्थाबाट खरिद गरिएको र यस विषय महानगरको कुनै पनि कमजोरी नभएको बताए । खाद्य व्यबस्था तथा व्यापार कम्पनी लिमिटेड विराटनगरबाट ५ सय क्विटल जापानिज चामल ४२ रुपैया ३० पैसा किलो र सोना मन्सुली चामल ४० रुपैया ५० पैसामा १ हजार क्विटल किनिएको महानगर बिपद ब्यवस्थापन समितिका सदस्य सचिव राजेन्द्र प्रधानले जानकारी दिए ।
सोना मन्सुलीको स्टक सकिए पछि खाद्य व्यबस्था तथा व्यापार कम्पनी लिमिटेडले गुणस्तरीय छ भने बमोजिम जापानिज चामल खरिद गरिएको हो । यी सवै नियमत १० प्रतिशत छुटमा खरिद गरिएको हो । विराटनगरका १९ वटै वडामा वितरण गरिएको चामल र प्रकार एउटै हो तर वडा नं.९ मा मात्रै किन समस्या आएको भन्ने बिषयमा ब्यापक चर्चा समेत हुन थालेको छ ।
यस विषयमा खाद्य व्यबस्था तथा व्यापार कम्पनी लिमिटेड विराटनगरका प्रमुख देबेन्द्र राइले गुणस्तरहीन चामल भनेर गरिएको हल्लामा सत्यता नभएको दावी गरे । चामलका विषयमा कुनै आशंका लागे खाद्य परिक्षण गर्न समेत राइले आग्रह गरेका छन् । जापानिज सरकारको अनुदानकारुपमा आएको चामल उत्कृष्ट र गुणस्तरिय भएको भन्दै राइले प्लाष्टिकको चामल भनि गरिएको हल्लाका पछाडी नलाग्न आग्रह गरे । राइका अनुसार संखुवासभा र भोजपुरमा यो चामलको माग अत्याधिक छ भने कारागारहरुमा समेत यही चामल प्रयाोग हुन्छ ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
