Birat Post सोमबार, चैत्र २४, २०७६ मा प्रकाशित
विराटनगर २४ चैत्र /
उद्योग संगठन मोरङ र मोरङ व्यापार संघले संयुक्त रुपमा प्रदेश सरकार र स्थानिय तहका पालिकाहरुलाई राहत सामाग्री हस्तान्तरण गरेको छ । झण्डै २४ लाख बराबरको २ हजार १ सय परिवारलाई पुग्ने खाद्यान्न संगठनका अध्यक्ष भीम घिमिरे र मोरङ व्यापार संघका अध्यक्ष प्रकाश मुन्दडाले सम्युक्तरुपमा हस्तान्तरण गरेका हुन् ।
मजदुर र विपन्न परिवारलाई खाद्यान्न अभाव नहोस भन्ने उद्देश्यका साथ मुख्यमन्त्री शेधरन राईलाई खाद्यान्न सामाग्री हस्तान्तरण गरिएको छ । यसैगरी ३ सय ५० बोरा राहत सामाग्री विराटनगर माहानगरपालिकाका प्रमुख भीम पराजुलीलाई हस्तान्तरण गरिएको छ । २ सय बोरा दुहबी नगरपालिका , १ सय २५ बोरा बुढीगंगा गाउँपालिका र १ सय २५ बोरा कटहरी गाउँपालिकामा वितरण गर्ने गरि प्रदान गरिएको बताइएको छ ।
हस्तान्तरण गरिएको खाद्यान्नमा चामल, दाल, नुन तेल, चाउचाउ र विस्कुट रहेको छ ।प्रतिपरिवार १ प्याकेटका दरले सबै सामान मिलाएर २ हजार १ सय प्याकेट बनाएर हस्तान्तरण गरिएको बताइएको छ । पछिल्लो समय दुवै संगठनहरु जुटेर सामाजिक कार्यमा सक्रिय रहेका छन् ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
