Birat Post शुक्रबार, चैत्र २१, २०७६ मा प्रकाशित
विराटनगर २१ चैत्र /
विराटनगर महानगर अन्तरगत विपद् व्यवस्थापन समितिको बैठक शुक्रवार सम्पन्न भएको छ । महानगरका मेयर भीम पराजुलीको अध्यक्षतामा सम्पन्न बैठकमा कोरोना भाइरसका कारण निम्तिएको बर्तमान समस्याका विषयवस्तुमा छलफल भएको जनाइएको छ ।
सरकारद्धारा जारी लकडाउनका कारण विपन्न तथा सिमान्तकृत परिवारमा खाद्यान्न अभाव हुदा दैनिक जीवन कष्टकर बन्दै गएकोमा चिन्ता ब्यक्त गरिएको छ ।
सिमान्तकृत बर्गका लागी खानेकुराको आबश्यक खाद्य सामाग्री खरिद प्रक्रियाका काम सम्पन्न भएको महानगरले जनाएको छ । वडावाट प्राप्त स्थलगत रिपोर्टलाई थप अध्ययन गरि खाद्य सामाग्री वितरण गर्ने तयारीमा महानगर जुटेको छ । आइतवार वाट राहत सामाग्री वितरण गर्ने तयारीमा जुटेको महानगरले नगरका विपद् व्ययवस्थापनका सदस्य ,राजनैतिक दलका नगर नेतृत्व ,उद्योगी तथा व्यवसायी संस्थाका पदाधिकारी,जिल्ला प्रशासन तथा प्रहरी संगठन प्रतिनिधिहरु संग सुझाव लिएको छ । उक्त छलफलमा राहत सामाग्री खरिद तथा बितरण प्रकृया र अबलम्वन गरिएको विषयमा आम नगरवासीलाई दुरुस्त जानकारी गराइने बताइएको छ ।
वडा स्तरिय विपद् व्यवस्थापन समितिको समन्वयमा राहत वितरण शुरु हुने महानगर विपद् व्यवस्थापन समितिका सदस्य सचिव तथा विपद् सम्पर्क व्यक्ति राजेन्द्र प्रधानले जानकारी दिए । कार्यक्रममा विराटनगर महानगर उपमेयर इन्दिरा कार्की,प्रमुख प्रशासकिय अधिकृत इन्द्रमणी पोखरेल,नेपाली कांग्रेस महानगर कार्यवाहक सभापति अरुण न्यौपाने , नेकपाका महानगर कमिटीका अध्यक्ष सागर थापा ,समाजवादी पार्टीका कार्यवाहक नगर अध्यक्ष मो .नसरुल ,नेपाल रेडक्रस सोसाइटीका बरिष्ठ अधिकृत कुमार निरौला लगायतको सहभगिता रहेको थियो ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
