Birat Post बुधबार, चैत्र १९, २०७६ मा प्रकाशित
विराटनगर १९ चैत्र /
विराटनगरका अधिकांश धार्मिक मठहरुमा अनुष्ठान शुरु गरिएका छन् । कोरोनाका कारण बिश्वब्यापी महामारी फैलिरहेका बेला यसबाट मानव जगतमा कुनै असर नपरोस भन्ने कामनाका साथ यसखाले अनुष्ठान शुरु भएका हुन् । बिश्वशान्तिको कामना गर्दै सरकारले तोके बमोजिम दूरी कायम राख्दै अनुष्ठान शुरु भएको मठहरुले जनाएका छन् । विराटनगर महानगरका मेयर भीम पराजुलीले यी सवै मठहरुमा अनुष्ठानको शुभारम्भ गरेका छन् ।धार्मिक जगवाटै हुर्केको समाज भन्दै मेयर पराजुलीले कुन-कुन विधि अपनाउदा हुन्छ त्यहीअनुरुप अनुष्ठानका आफु सहभागि भएको बताए । उदेश्य बिश्वशान्तिको कामना भएकाले यसलाई अन्यथा नलिन पनि आग्रह गरे । हाम्रा धार्मिक मूल्य मान्यता बैज्ञानिक भएको भन्दै सकारात्मक पक्षलाई अगाल्नुपर्नेमा जोड दिए ।
अनुष्ठानको धार्मिकगुरुहरुले कमाण्ड सम्मालेका छन् । विराटनगरका लक्ष्मिनारायण मन्दिर पाञ्चालीमा चिरन्जीवि न्यौपाने र राजन पोखरेल , बरगाच्छीको राधारमण मन्दिरमा भवानी शंकर निरौला र शंकर रेग्मी ,लक्ष्मीनारायण मन्दिर पिपलचोकमा श्रीवैष्णव युवापरिषद केन्द्रका महासचिव रामानुज नेपाल र अध्यक्ष कुमार खतिवडा र साइमन्दिर सरोचियामा सन्तोष साइराम संयोजकत्वमा अनुष्ठान भइरहेको विराटनगरका धार्मिक अभियन्ता अनन्त पराजुलीले जानकारी दिए । यो अनुष्ठान कोरोना सक्रमण रहेसम्म गरिने पराजुलीले बताए । उनले भने यो इश्वरिय प्रार्थना हो ,यसबाट हामी शुरक्षित रहन्छौ । यसका लागि सवै धार्मिक क्षेत्रका मानिसहरुको सहयोग आबश्यक छ । उनले विहान ,बेलुका शंख ,घण्ट ध्वनीद्धारा यो कार्यक्रम अगाडी बढाइरहेको जानकारी दिए ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
