featured photo: Birat Post

विराटनगर २९ फागुन /
विराटनगरको भारतीय सीमा नाका रानी र हवाईमार्गबाट विराटनगर प्रवेश गर्नेको संक्रमण जाचका लागि स्थापना गरिएको हेल्थ डेक्सले यथासम्भब काम गरिरहेको छ । स्वास्थ्य हेल्प डेक्स स्थापना भएको तीन दिनमा दुवै क्षेत्रमा गरी ५ हजार ४ सय ८० जनाको प्राथमिक परिक्षण गरिएको छ । जसमा मानिसको तापक्रम नाप्ने गरिन्छ । शंका लागेको मानिसको निगरानी गर्ने र उपचारका लागि पहल गर्ने गरी डेक्स स्थापना भएको हो ।

विराटनगर विमानस्थल भएर आएका २७ सय १२ र भारत हुदै रानी बाट नेपाल प्रबेश गरेका २७ सय ६८ जनामा गरिएको परिक्षणमा हाल सम्म कोरोना सक्रमित नभेटिएको विराटनगर महानगरका स्वास्थ्य महासाखा प्रमुख रमेश कार्कीले जानकारी दिए ।

रानी नाका र विराटनगर विमानस्थलमा सामाजिक विकास मन्त्रालय र विराटनगर महानगरपालिकाले सम्युक्तरुपमा डेस्क राखेको हो । विमानस्थलको भिआइपी कक्ष र यात्रु आउने कक्षमा छुट्टा छुट्छै जाच गरिने गरेको छ ।

छिमेकी दुवै राष्ट्र चीन र भारतमा कोरोनाको संक्रमण देखिएकाले सीमा नाकामा उच्च सतर्कता अपनाउनुपर्ने देखिएको छ । यस विषयमा भारतले समेत खासै चासो राखेको पाइन्न । सिमाक्षेत्र र विमानस्थलमा खटाएका स्वास्थ्यकर्मीहरु समेत आबश्यक स्वास्थ्य शुरक्षात्मक सामानको अभावका बाबजुत काम गरिरहेका छन् । गत २७ गते सामाजिक विकास मन्त्री जीवन घिमिरे र विराटनगर महानगरका मेयर भीम पराजुलीले हेल्थ डेक्सको शुरुवात गरेका थिए ।