featured photo: Birat Post

विराटनगर,८ चैत्र । नेपाली कांग्रेसका नेता अर्जुननरसिंह केसीले अहिले मुलुकमा देखिएको चुनौतीलाई कांग्रेसले नै निकास दिने बताएका छन् । विराटनगरमा शुक्रबार नेपाल प्रेस युनियन मोरङद्वारा आयोजित पत्रकार सम्मेलनमा पार्टी केन्द्रीय सदस्यसमेत रहेका नेता केसीले यस्तो बताएका हुन् ।

अहिले मात्र होइन इतिहासको कालखण्डमा धेरै चुनौतीहरू आए पनि ती चुनौतीहरू कांग्रेसकै नेतृत्वमा समाधान गरिएको स्मरण गराए । उनले भने, ‘पछिल्लो समय जनतामा धेरै निराशा बढेको छ। जसका कारण असन्तुष्टिहरू ठाउँ–ठाउँमा पोखिइरहेको छ। यसबीच केही मानिसहरू हिन्दूको पक्षमा र त केही पूर्वराजाको पक्षमा पनि देखिएका छन्।

हामी मुटभेट भन्दा पनि शान्तिको पक्षमा छौ, नेता केसीको भनाइ थियो । उनले भने,कांग्रेसको आफ्नै विचार ,सिद्धान्त र पक्ष छ । आफु कसैको लहलहैमा लागेर गणतान्त्रिक मोर्चा बनाउनु पर्छ,दलीय मोर्चा बनाएर मुटभेट गर्नुपर्छ भन्ने पक्षमा छैन । यसलाई सिंगो कांग्रेसले सुझबुझपूर्ण तरिकाले राजनीतिक कदम चाल्ने छ।