विराटनगरका साहित्यकार/कृति
Birat Post शुक्रबार, पुष १२, २०८१ मा प्रकाशित
विराटनगर , १२ पुस ।
अपाङ्गताको क्षेत्रमा शैक्षिक लगानी र सीपविकासको अभाव अझै पनि खट्किएको सरोकारवाला व्यक्तिहरुले बताएका छन् । सरकारका पक्षबाट हरेक किसिमका कानुन र अधिकारको व्यवस्था गरी सुनिश्चित गरिएको भन्ने विषयहरु समेत व्यवहारत प्रयोगमा नआएको गुनासो गरिएको छ ।
शुक्रबार राष्ट्रिय बहिरा महासंघ नेपालले विराटनगरमा गरेको कार्यक्रममा बोल्ने अधिकांश वक्ताहरुले यस्तो धारणा व्यक्त गरेका हुन् । कार्यक्रममा बोल्दै राष्ट्रिय बहिरा महासंघ नेपालका परियोजना संयोजक शंकर चैसरले अपाङ्गताको क्षेत्रमा शैक्षिक लगानी र सीपविकासको अभाव भोगिरहेको स्विकार गरे उनले यस्तो समस्या समाधानका लागि तीनै तहका सरकारहरुको सहयोग रहनेमा आशावादी रहेको बताए । उनले श्रवण दृष्टिविहिन अपाङ्गताको विषयमा जानकारी गराउदै बोल्दा सबैले अपाङ्गता मैत्री शब्दको प्रयोग गर्न सुझाए । महासंघले श्रवण दृष्टिविहिन अपाङ्गता भएका व्यक्तिहरुको हक हितको लागि आवाज उठाउदै आएको बताए ।
यस्तै विराट बहिरा माविका प्रधानाध्यापक मिनु अधिकारी दाहालले अपाङ्गता भित्रपनि विविध खाले अपाङ्गताका अवस्था भएको र सोही अनुरुप शिक्षा र सीपको आवश्यकता रहेको औल्याइन् । पढाएर मात्रै नभइ सीप पनि दिएर सक्षम बनाउनुपर्नेमा दाहालले जोड दिइन् । यस क्षेत्रमा राज्यले समेत उचित लगानी गर्न नसकेको भन्दै दुःख व्यक्त गरिन् ।
यस्तै आदर्श माविका सहयाक प्रधानाध्यापक इन्द्र चौहानले अपाङ्गताको क्षेत्रमा जुनरुपमा राज्यवाट सहयोग पाउनुपर्ने हो त्यो नपाएको बताए । उनले दोभाषे शिक्षकको अभाव,अपाङ्गता र यसका आयामहरु बुझेका मानिसहरुलाई काममा टिकाइरहन कठिन हुने गरेको बताए । राज्यका निकायवाट उचित सहयोग पाए अपाङ्गता भएका मानिसहरुलाई सक्षम र सीप हासिल गर्न योग्य बनाउन सकिने बताए ।
यस्तै श्रवण दृष्टिविहिन अपाङ्गताको तर्फबाट बोल्दै कृष्णमाया अधिकारीले श्रवण दृष्टिविहिन अपाङ्गता भएका व्यक्तिहरुका सवालहरुलाई सबै निकायका व्यक्तिहरुले उठाउनु पर्ने बताइन् । अपाङ्गता भएका व्यक्तिहरुका अवरोधहरु पहिचान गरी समस्याहरु समाधान गर्नु पर्ने कुरामा उनले जोड दिइन् । कार्यक्रममा दोभाषे सन्तोषी तिवारीले सांकेतिक वक्तव्य गरेकी थिइन् ।
विराट गोल्डकपको संयोजकमा नविन रिजाल, जिम्मेवारी पाएकै दिन खेलमैदानको निरीक्षण
पाठेघरको क्यान्सर न्यूनीकरणमा सबैले सहकार्य आवश्यक : स्वास्थ्यमन्त्री पौडेल
योगी आदित्यनाथसँगै भुटानी राजाले पनि महाकुम्भमा लगाए डुबुल्की
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
