Birat Post मंगलबार, मंसिर ०४, २०८१ मा प्रकाशित
डि.पि ढुङ्गेल
रंगेली,४ मंसिर । रंगेली नगरपालिका मन्त्री टोलमा रहेको जय श्रीराम एग्रो फार्मस प्रालिले ड्रागन फल खेतीबाट राम्रो आम्दानी गरेको छ । तीन वर्ष अगाडि १० लाख ५० हजार लगानी गरेर दुई बिघा १० कठ्ठा जमिनमा खेती सुरु गरिएको खेतीले राम्रो आम्दानी दिन थालेको छ । १५ सय पोलमा यसलाई लगाईको छ ।
फार्मसका सञ्चालक सदस्य तीर्थराज घिमिरेले उपभोक्ताले माग गरेअनुसार सस्तोमा ड्रागनफल बिक्री गरिरहेको जानकारी दिए । उनका अनुसार तीन वर्गमा विभाजित फल उत्कृष्ट वर्गको प्रति केजी रु ३ सय, मध्यम वर्गको प्रतिकेजी रु २०० र निम्न वर्गको प्रति केजी रु १००का दरले उपभोक्तालाई बिक्री गरिरहेको जानकारी दिए।
चालु सिजनमा मात्र ४५०० केजी ड्रागन उत्पादन भएको र बिक्री भएको उनले बताए । उत्पादित फल विराटनगर इटहरी बेलबारी पथरी उर्लाबारी रंगेली लगायतका क्षेत्रहरूबाट उपभोक्ताहरु आएर गुणस्तरीय फल किनेर लैजाने गरेको उनले बताए । अहिलेसम्म थोक विक्रेतालाई बिक्री नगरिएको उनले जानकारी दिए। आगामी वर्ष चौथो हुने भएकाले चौथो वर्षमै लगानी सबै उठिसक्ने त्यसपश्चात पाँचौं वर्षदेखि नाफा हुने उनले सोच राखेका रहेछन् । मेहनत अनुसार राम्रो आम्दानी हुने उनले बताए।
शिक्षकहरु अब कक्षा १२ को परीक्षामा पनि सहभागी नहुने,देशभरका सबै विद्यालय अनिश्चितकालीन बन्द रहने
नेकपा एमाले विराटनगरको दोस्रो अधिवेशन हुँदै, उप-सचिवमा कला डाँगीको सम्भावना
कांग्रेसले विवेकपूर्ण निर्णय लिने बेला भो : डा.शेखर कोइराला
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
