Birat Post बुधबार, साउन २३, २०८१ मा प्रकाशित
काठमान्डौं,२३ साउन । नुवाकोटमा बुधबार दिउँसो हेलिकोप्टर दुर्घटनामा परेको छ । नुवाकोटको शिवपुरी गाउँपालिका वडा नम्बर ७ मा हेलिकोप्टर दुर्घटनामा परेको नुवाकोट प्रहरीले जनाएको छ ।
नुवाकोटका प्रमुख जिल्ला अधिकारी प्रहरीसहित घटनास्थलमा पुगेका छन् । उनले भने, ‘हामीले दुर्घटनाग्रस्त हेलिकोप्टर देखेका छौँ । चालक दलसहित ५ जना परेको देखिएको छ । प्रहरी घटनास्थलमा पुगेको छ ।’ एयर डाइनेस्टीको हेलिकोप्टर दुर्घटनामा परेको पुष्टि भएको छ ।
शिवपुरी-७ सूर्यचौर डाँडामा हेलिकप्टर ठोक्किएको नुवाकोटका एसपी शान्तिराज कोइरालाले जानकारी दिए ।हेलिकोप्टरमा ४ जना सवार रहेको बताइएको छ । कोइरालाका अनुसार स्थानीय र प्रहरी घटनास्थलमा पुगिसकेका छन् ।
दिउँसो १ बजेर ३० मिनेटमा चिनियाँ पर्यटक लिएर काठमान्डौंवाट स्याफ्रबेंसी उडेको एनएजेडी कलसाइन भएको उक्त हेलिकप्टर बुधबार दिउँसो दुर्घटना भएको हो । क्याप्टेन अरुण मल्लले उडाएको उक्त हेलिकोप्टरमा क्याप्टेन र ४ विदेशी सवार रहेका एसपी कोइरालाले बताए । स्थानीयले डाँडामा धुँवा देखेपछि प्रहरीलाई खबर गरेका थिए । एयर डाइनेस्टीका व्यवस्थापक बालकृष्ण पण्डितका अनुसार ४ जना विदेशीलाई स्याफ्रुबेंसी छाडेर फेरि त्यहाँबाट विदेशी नै लिएर काठमाडौँ आउँदै गरेका हेलिकोप्टर दुर्घटनामा परेको हो ।
नेपालमा पहिलो दुर्घटना नै उच्चस्तरीय टोली (भीभीआईपी) सवार हेलिकप्टर दुर्घटनामा परेको थियो । २०३६ साल पुस १२ गते भएको पहिलो हेलिकप्टर दुर्घटनामा ६ जनाको मृत्यु भएको थियो ।
विराट एक्स्पोमा व्यवसायीक सहकार्यकालागि विराट बजार विटुवि पेभिलियनको व्यवस्था
भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड
स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
