Birat Post मंगलबार, साउन १५, २०८१ मा प्रकाशित
दाङ,१५ साउन । नेकपा एमालेका महासचिव शंकर पाेखरेलले वामपन्थीहरूको बीचमा एकताको कथा असफल भइसकेकाले पुरानै बाटोबाट अघि बढ्न नसक्ने बताएका छन्।
प्रेस चाैतारी दाङले मंगलबार घाेराहीमा आयाेजना गरेकाे पत्रकार सम्मेलनमा महासचिव पाेखरेलले कम्युनिस्ट पार्टी एकताकाे प्रहसन अब नदाेहाेरिने ठाेकुवा गरे।
‘नेताकाे टाउकाे जाेडेर गरिने एकता दिगो हुँदैन। त्याे हामीले व्यहाेरिसक्याैं। अब कार्यकर्ताकाे मन जाेडेर राजनीतिक धुव्रीकरण जरुरी छ,’ उनले भने, ‘कम्युनिस्टमा विचार राख्नेहरू एमालेतिर र पुँजीवादी समाजवाद व्यवस्थामा विचार राख्नेहरू कांग्रेसतर्फ धुव्रीकरण हुन आवश्यक छ। यसरी बलियाे राजनितीक शक्ति निर्माण गर्न सकिन्छ।’
साना राजनीतिक दलहरुले अनावश्यक बार्गेनिङ गर्दै सत्तामा पुग्ने र मुलुकमा निरन्तर अस्थिरता सिर्जना हुने अवस्था आएपछि दुई ठूला राजनीति दल एक ठाउँमा आउनु परेकाे महासचिव पाेखरेलले स्पष्ट पारे।
उनले संविधानसभाबाट संविधान जारी गर्ने बेलामा भएको जस्तै सहकार्य प्रमुख राजनीतिक दलहरूकाे बीचमा सहकार्य भएको स्पष्ट पारे।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
