featured photo: Birat Post

विराटनगर,२६ असार । कोशी अस्पतालमा पहिलो पटक फेको प्रविधिबाट मोतियाबिन्दुको शल्यक्रिया सुरू भएको छ । रविनराज सिंह मेसु भएर आएसंगै उनले अस्पतालका विभिन्न विभागहरुमा केही आशलाग्दा परिवर्तन गर्न खोजेका छन् । ओपीडि मात्रै संचालन हुँदै आएको कोशी अस्पतालमा आँखा रोगको शल्यक्रिया समेत सुरु भएको छ । मोरङको ग्रामथान गाउँपालिका – ६ का ६७ वर्षिय भूमिप्रसाद रेग्मीको फेको प्रविधिबाट मोतियाबिन्दुको सफल शल्यक्रिया भएको हो ।
मंगलबार कोशी अस्पतालका ६ जना नेत्ररोग विशेषज्ञ चिकित्सकहरुको टिमले रेग्मीको सफल उपचार गरेको मेसु सिंहले जानकारी दिए । कोशी अस्पतालका नेत्ररोग विशेषज्ञ डा.आस्मा केसी र डा.निश्चल घिमिरे सहितको ६ जनाकोे टिमले रेग्मीको फेको प्रविधिबाट सफल शल्यक्रिया गरेको छ ।